Maydadka Shuhadada oo ku Qudmay Jidadka Qaza

 Muuqaallada meydadka ayaa caadi ka noqday in lagu Arko marinka Qaza tan iyo toddobaadadii la soo dhaafay, ilaa iyo Hada Dad Kor u dhaafaya 20,915 ayaa ku shahiiday Duqeymaha Gumeystaha Israel ka wado dhulka Falastiiniyiinta Dhaawucuna wuxuu kor u dhaafayaa  54,918 kuwaasi oo u badan carruur iyo haween.Waana Mida keentay  maydadka lagu Arkayo Marinka Gaza?

Warbaahinta Aljazeera oo isha ku haysay meydadka shuhadada falastiiniyiinta lagu arkayo wadooyinka Xaafada Beit Hanoun ee waqooyiga Marinka Gaza, halkaasi oo dadka ay awoodi waayeen inay aasaan, sababo la xiriira duqeymaha Xoogan ee Gumeystaha Israel ku hayo, gaadiidka gurmadka deg dega ayaa awoodi waayeen inay yimaadaan halkaasi si maydadka u asturaann 

Wakaaladda Anatolia oo soo xiganaysa dad goob joogayaal ah iyo ilo maxalli ah ayaa sheegtay in meydadkan ay ku hareen waddooyinka tan iyo markii uu billowday weerarka dhulka ee Israa’iil ay ku qaadday Gaza 27-kii Oktoobar ee sannadkan sii dhamaanaya Waxaana la sheegayaa in wadooyinka qaar lagu arkay Maydad la gawracay 

Sidoo kale, sawirro gaar oo ay baahisay Aljazeera ayaa muujinayay Meydadka Shuhadada oo yaalla Waddooyinka Xaafadda Sheekh Radwaan ee Waqooyiga Marinka Gaza, waxaana Falastiiniyiinta ay awoodi waayeen inay iyaguna aasaan.

Dhamaadkii bishii November ee la soo dhaafay, wariye ayaa sawiro naxdin leh ka soo diray isbitaalka Al-Nasr ee carruurta, kuwaas oo muujinaya Meydadka Caruurta oo qudhmay kuwaasi oo ciidanka Gumeystaha israel  dadka ka hor istaageen in la soo saaro oo la aaso.

Hay'adda Xuquuqda Aadanaha ayaa  xaqiijisay inay diiwaan gelisay helitaanka 5 Caruur ah  ah oo dhintay iyo xaalad Qalafsan oo soo wajahday isbitaalka Al-Nasr waxayna Hay,adu ku baaqday in baadhitaan lagu sameeyo dhacdooyinka argagaxa leh ee halkaasi ka dhacay 

maydku waxa uu keenaa khatar caafimaad ,, inta badana Ma faafiyaan cudurro bulshada dhexdooda ah. Laakiin tani waxay khusaysaa haddii ay jiraan adeegyo caafimaad iyo iyo shaqaale ka shaqeeya Maydka si habboona u aasay.

Dhanka Marinka Gaza, arrintu sidaas maaha, iyadoo ciidamada Israa’iil ay burburiyeen kaabayaasha caafimaadka oo ay isbitaaladu ku jiraan , isla markaana ay beegsadeen shaqaalaha caafimaadka, waxayna arintani horseeday in la arko meydad daadsan  waddooyinka maalmo iyo toddobaadyo, mana jirto cid soo saari karta si loogu aaso qaab wanaagsan 

Dadka gacanta ku haya meydadka (shaqaalaha samatabbixinta, waxay u Nugul yihiin inay qaadaan Xanuunada tiibida , Jooniska Noocyadiisa B iyo C, iyo cuduro ay shubanku ka mid yihiin . Si kastaba ha ahaatee,  Shaqaalahaasi waxay ku badbaadi karaan iyaga oo xidha kabaha caagga ah iyo galoofyada Facemaska 

Balse Marinka Gaza, waxa jirtaa gabaabsi la xidhiidha Qalabka caafimaadka ee lagama maarmaanka ah, sidaa darteed waxaa jirta khatar weyn oo Caafimaad taasi oo soo wajahda dadka ka shaqeeya qaadista iyo aaska meydadka.

Maydadka aan la aasin Marinka Gaza - Xiliyada  roobabka  - waxay keeni karaan khataro caafimaad oo ay ka mid yihiin 

1- Faafida cudurada iyo wasakhowga biyaha

Biyaha roobka ayaa maydhi kara dareeraha jidhka iyo wasakhowga jidhka ku jira, kuwaas ayaa saamayn ku yeelan kara ilaha biyaha ee dadku ku tiirsan yihiin cabbitaanka, karinta iyo maydhashada, waxaanay sababi kartaa faafitaanka cudurrada, gaar ahaan shubanka.

 tirada sii kordheysa ee meydadka googo'aya, biyo la'aanta daran, nadaafadda iyo adeegyada fayadhowrka, iyo daryeel la'aanta caafimaad ayaa sii kordhinaysa khatarta cudurka daacuunka .

2- Maydka oo aan la aasin waxay soo jiidan karaan xayawaanada ay ka mid yihiin iyo jiirka bisadaha iyo eyda. Dabcan cayayaano kaneecadu ka mid tahay ayaa sababi kara inay xanuuno faafiyaan

3- Maydadka aann la aasin waxay abuurii karaandhibaato xaga  neefshashada ah Qaasatan dadka ka ag dhow.

4- Saamaynta caafimaadka maskaxda

Aragga iyo urta maydka aan la aasin waxay saamayn nafsiyeed ku yeelan karaan bulshooyinka, taasoo keenta dhaawac maskaxeed

:

Bishii Nofeembar 18-keedii, Kormeerayaasha Xuquuqda Aadanaha ee Euro-Mediterranean ayaa ka digay inay masiibo caafimaad ku soo fool leedahay Marinka Gaza, halkaasoo meydadku ay weli daadsan yihiin waddooyinka  dhismayaasha ay burburiyeen duqeymaha Israel. 

Hay’adda xuquuqul insaanka ee fadhigeedu yahay magaalada Geneva ayaa sheegtay in marinka Gaza ay ka maqan tahay adeegyada aasaasiga ah ee lagama maarmaanka u ah in laga raadiyo meydadka burburka ku hoos jira, haddii ay tahay la’aanta mashiinnada culus iyo qalabka ay u baahan yihiin kooxaha samatabbixinta iyo difaaca madaniga ah, ama curyaaminta dhammaystiran ee ambalaasyada iyo kooxaha caafimaadka. Intaa waxaa dheer, korontadu waxay adkeyneysaa in meydadka la geliyo qolka meydka, taasoo keenta in si khaldan loo aaso.

Aasida aan saxda ahayn iyo aaska aan tooska ahayn ee meydadka lagu aasayo xabaal wadareedyada waxay keeni kartaa cuduro kala duwan oo laga yaabo inuu ku faafo bulshada dhexdeeda

Tani waxay u horseedi kartaa dhibaatooyin caafimaad sababtoo ah Medku  waxaa laga yaabaa inuu Qarxo taasina waxyeelo gaadhsiin karto deegaanka waxa intaa dheer, bakteeriyada iyo fayrasyada qaarkood waxay ku sii jiri karaan jidhka muddo wakhti ah dhimashada ka dib, 

Cabsida laga qabo faafitaanka cudurrada Marinka  Gaza ayaa sii kordhaya, marka loo eego duqeymaha joogtada ah ee halkaasi lagu hayo laguna bartilmaameedsanayo Goobaha caafimaadka iyo isbitaalada qaybta caafimaadka iyo bartilmaameedka isbitaallada, 

Isbitaalada Qaarkood ayaan helin wax gargaar caafimaad iyo mid cunto ah muddo laba bilood ka badan, waxaana toddobaadyadii la soo dhaafay gabi ahaanba shaqayn waayay  inta badan Qalabkii loogu adeeyay dadka dhaawac ah