Tisqaad-Maxamad Case iyo Makaahiil waa labo oday oo walaalo ah. Inkasta oo aanay isku hooyo ahayn, Waxa ay ku Abtirsadaan Aabbo Makadoor Sh. Samaroon. Da' ahaan waxa waynaa oo curad ah, Maxamad oo ay Carabi dhashay. Magaca Hooyadii waxa la odhan jiray Safiya Alcaqiili, halka Makaahiil hooyadii ahayd Asnaaqish Tadhase oo ka soo jeedda bulshada Xabashida.
Taariikh ahaan waxa la sheegaa inuu Maxamad walaalkii, Makaahiil Makadoor, mar walba oo ay wax isku qabtaan u tanaasuli jiray.
Inta la ogyahay waxa ka mid ah:
_5 Qarni ka hor markii uu Barre Abokor u tanaasulay Ina adeerkiu Cali Muuse_dari (Makayldheere) kadib markii ay isku qabteen ugassnimada, iyada oo uu Barre lahaa xilka curadnimada iyo hoggaaminta dhaqanba.
_ Badhtamihii qarnigii 20aad, oday dhaqmeed uu Ugaas Dooddi hor socday kuna xidhnaa hoggaanka Ethiopia ayaa xadka keenay duleedka Borama. Ugaaska xilligaa waxa laga reebay odhaahdii caanka ahayd (Dhagax iyo Buur iyo Maxad Case waxan ahayn kamaan tegin) . Waxgaradkii M. Case arrintaasi may ogolaan. waxay diideen in tolka xuduud loo kala sameeyo, haseyeeshee waxba way ka qaban kari waayeen xadkii Reserved Erea. Dabadeed qoysas badan oo Maxamadcase ah ayaa u guuray dhinaca Ethiopia si aan xidhiidhka tolnimo u go'in. Taa baddalkeeda, odayaal isugu jira Habarcafaan iyo reer Nuur ayaa iyaguna ku baaqay in xadka shisheeyuhu dhigay aan lagu kala goyn tolnimada. Kadibna waxa ay go'aamiyeen in illaa Jabuuti oo uu markaasi Jaamac Saylici wakiil uga ahaa Fransiiska, la dego, si garab iyo gaashaan loogu noqdo Maxamadcasaha Jabuuti.
_ Sannadkii 1960 kii, xildhibaankii u horreeyay ee cod ku soo baxa Somalia, ee Idaacadda laga sheegay, waxa uu ahaa General Muuse Rabbiile Good oo markaa ahaa wiil dhallinyar ah. Xaaji Abubakor Cumar oo la tartamayay ayaa Samaroon isugu yeedhay kuna dhaartay inuu Muuse 40 ka yaryahay, dabadeedna Muuse Rabbiile waxa lagu qanciyay inuu u tanaasulo adeeerkii Xaaji Abubakar, ducadii buu sidii ku qaatay, kadib waxbarasho ciidan ayuu dalka Ingiriiska u tegay. Kadib waxa uu ka mid noqday generaalladii waawaynaa ee Siyaad Barre afganbiga kala qaybqaatay. Sidaasuu ku noqday wasiir aan dhicin ahna xubin golaha sare ee kacaanka ka mid ah.
_ Sannadkii 1993kii, markii Borama lagu shirayay, waxgaradka Maxamadcase waxa ay ku doodayeen in dalka loo sameeyo madaxwayne iyo Raysal wasaare, laguna kala qoro Isaaq iyo Samaroon, Balse rag uu hormuud u ahaa Prof. Suleimaan Axmad Guuleed ayaa ku adkaystay in walaalaha Isaaq lagu tixgaliyo lana ogolaado Madaxwayne ku xigeenka. Maxamadcase isaga oo khilaaf iyo ragaadin nabadeed ka fogaanaya ayuu tanaasulay.
_ Horraantii sannadkii 2017, Duqii hore ee degmada Saylac, Xuseen Iidle Barkhad ayaa u tanaasulay mayorka degmada Sacad Daahir Cige, kadib markii ay isku qabteen hoggaanka degmada, iyada oo khilaafkooda meelo degmada ka baxsan laga hurinayay. Tan iyo xilligaana Xuseen Iidle waxa uu la taliye gaar ah u yahay Guddoomiye Sacad oo dhawr jeer uu ka badbaadiyay inuu hoggaanka degmada waayo.
_ Doorashadii madaxnimo ee 2017kii, waxa gobolka Awdal ku guulaystay xisbiga Kulmiye oo horreeyay ku dhawaad 2kun oo cod, haseyeeshee markii sanaadiiqda codadku soo dhammaystirantay ee commissionku xidhmay waxa 12kii habeennimo la keenay sanaadiiq cusub oo laga shakiyay lana cancel gareeyay, balse kadib markii taageerayaashii Waddani rabshad iyo qas ku hanjabeen, lana ogaaday in natiijada guud ee Qaranka lagu kala tegay ayaa shuruud la'aan loogu ogolaaday taasaana keentay in uu Wadani Awdal ku horreeyo inkabadan kun cod.
_ 01 October 2020, madaxwayne Xigeenka Somali land Cabdiraxmaan Saylici ayaa xilka guddoomiyaha 4aad ee xisbiga Kulmiye uga tanaasulay walaalkii Maxamuud Saajin, wasiirka Ganacsiga iyo Warshadaynta. Waxaanu ku baaqay inuu dhisi doono haddii Allah ku simo.
Maxamed Jeex Aw Yoonis
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah