Beelaha J/Yoonis ee G/Awdal oo cambaareeyay warar deel qaaf ah oo ka been sheegayay masiirka siyaasadeed ee beelaha oo dhawaan la baahiyay.

Bayaankan cambayraynta ah oo ay maanta soo saareen salaaiinta, waxgaradka iyo dhalinyarada beelaha Jibriil Yoonis ee gobolk Awdal ayaa waxa ay ku cambaareeyeen war ay ku tilmaameen been abuur oo lagu daabacay shabakadaha iyo joornaalada maxaliga ah ee kala ah hubaal, oodwayne, Waaheen iyo Ogaal, qormadaas been abuurka ah ayaa waxa ay ka been sheegaysay masiirka siyaasaded ee beelaha J/Yoonis.

Bayaankan Cambaaraynta ah ayaa u qornaa sidan:

Waxa aan aad uga xunahay in laga been abuuro beelaha J/Yoonis isla markaana lagu tilmaamo kuwo masiirkooda siyaasadeed lagu go’aamiyo qoraal been abuur ah oo ay qoreen dad aanan samaha ehel u ahayn isla markaana ujeedadoodu ahayd inay abuuraan muran iyo tuhun soo kala dhex gala beelaha.

Waxa aan cambaaraynaynaa qormooyinkaasi lagu qoray bogaha warbaahinta ee aan soo sheegnay, waxana aan leenahay gabi ahaanba waa mid aan waxba ka jirin oo majaro habaabinaya rabitaanka beelaha iyo mustaqbalkooda siyaasadeed iyo hormarka iyo wadaniyada dhaqanka u ah beelaha J/Yoonis.

Waxa aan sidoo kale cambaaraynaynaa tifaqyo-tir la’aanta warka been abuurka ah ee lagaga been sheegay beesha kaasi oo ay ka dhex muuqdeen in meel lagaga dhacay duqayda dhaqanka ee beelaha, isla markaana gaf kale oo wayn oo ku jiray uu ahaa in qoraalkaas lagu soo saaray magacda AHUN, cuqaal aan maanta noolayn, waxana ay taasi daliil cad u tahay in qoraalkan ay baahiyeen dad aanan aqoon u lahayn beelaha, isla markaana dano gaar ah oo isku dirnimo iyo kala kaxayn ah la damacsanaa beelaha J/Yoonis.

Waxa aan mar kale u sheegaynaa masuuliyiinta ka madaxda ah baraha warbaahinta ee aan soo sheegnay inay ka waantoobaan been abuurka, isla markaana ka saaraan warka beelahan khuseeya ee been abuurka ah barahooda, sidoo kalena ay ka bixiyaan raaligalin,

Waxa ay beelaha J/Yoonis qirsan yihiin ahmiyada uu leeyahay ku dhaqanka sharciga iyo kala dambaynta ka jirta dalka, sidaasi aawadeed, waxa aan sheegaynaa inay naga go’an tahay inaan sharciga la tiigsano cid walba oo ka masuul ahayd maqaaladaasi been abuurka , meel ka dhaca iyo deel qaafka ah ee lagaga been sheegay gabi ahaanba beelaha J/Yoonis.

Magacda ku saxeexnaa bayaanka:-

1. Suldaan Cabdi salaan Maxamed Guray·2 Suldaan Xasan Xaddi3· Cheif Caaqil Barkhad Geeddi Faahiye
   3· Caaqil Daahir Obsiiye
   4· Caaqil Xasan Maydhane
   5· Caaqil Jibriil Aw Siciid
   6· Caaqil Meecaad Carraale
   7· Caaqil Cabdi Cabdilaahi Qayaad
   8· Caaqil Cilmi Cabdi Caddawe
   9· Abibakar Siciid Cali
   10· Mudane Xuseen Cawaale
   11· Faarax Cumar Jibriil
   12·Ibraahim Cilmi Boon
   13· Xuseen Cige Guuled
   14· Cali Daahir Cabdi
   15· Cabdiraxmaan Farax diriwaal
   16· Mustafe Miicaad Allale
   17· Xasan Nuur Allaale
   17· Yuusuf Bashiir Maxmuud
   18· Axmad Maxamud Kayd
   19· Maxamud Awcali Jibiil
   20  Maxamed Rashiid Cige
   ·21 Rashiid Cabdale Saalax
   22· Nuur Xiis Ducaale
   23· Maxamed Cilmi Axmed
   24· Siciid Cabdi Guray
   25· Maxamed Guray Jaamac
   26· Xasan Xadi Axmed
   27· Mustafe Nuur Timacade
   28· Cabdale Farataag
   29· Axmed Muxumed Sacad
   30· Maxamud Cumar Sheekh Ibraahim
   31· Dr. Mooge Urdoox
   32· Cumar Jamac Oday
   33· Cabdirasaaq Mawliid Cali
   34· Sheikh Cilmi Faraax Rooble