Borama{ BTP} Ra’iisul wasaaraha Xukuumadda Federaalka Soomaaliya iyo wefdi uu hoggaaminayo ayaa gaaray magaalada Nairobi ee dalka Kenya, halkaas oo ay si weyn ugu soo dhoweeyeen masuuliyiin ka tirsan dowladda Soomaaliya iyo dowladda Kenya.
Wefdiga Ra’iisul wasaaraha la socda waxaa ka mid wasiiru dowlaha Gaashaandhigga, wasiiru dowlaha Amniga Qaranka iyo wasiiru dowlaha Arrimaha Dibedda Soomaaliya.
Ra’iisul wasaaraha Xukuumadda Federaalka Soomaaliya Mudane Cabdiweli Sheekh Axmed iyo wefdiga uu hoggaaminayo ayaa magaalada Nairobi ee dalka Kenya gaaray maqribadii caawa, waxaana ku soo dhoweeyey masuuliyiin uu ka mid yahay wasiirka Warfaafinta Xukuumadda Federaalka Soomaaliya, Mustafa Sheekh Cali Dhuxulow, Danjiraha Soomaaliya u fadhiya dalka Kenya iyo saraakiil ka tirsan dowladda Kenya.
Ra’iisul wasaare Cabdiweli Sheekh Axmed, ayaa kulan magaalada Nairobi isla caawa kula qaatay Wasiirka Warfaafinta iyo Danjiraha IGAD ee Somalia Maxamed Cabdi Aftey, Ra’iisul wasaaraha iyo wefdigiisa ayaa maalinta berrito ah ku sii jeeda magaalada Bujumbura ee caasimadda dalka Burundi, halkaas oo ay uga qey-gali doonaan shir looga hadli doona amniga gobolka iyo khatarda argagixisada.
Sidoo kale Ra’iisul wasaaraha Jamhuuriyadda Soomaaliya, ayaa madaxda sarre ee waddanka Burundi kula kulmi doona Bujumbura, si ay uga wada hadlaan arrimo dhowr ah oo labada dalka quseeya.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah