Aqoonyahan Maxamed Suldaan Saleebaan Cali oo si weyn u taageeray, uguna mahadnaqay ex-wasiir Cabdi Cismaan Dhego-weyne

 Aqoonyahan Maxamed Suldaan Saleebaan Cali oo si weyn u taageeray, uguna mahadnaqay ex-wasiir Cabdi Cismaan Dhego-weyne oo dhawaan laga qaaday xilkii wasiirka wasaaradda Maalgashiga iyo wershadaha somaliland.

-----------------------------------------------------------------------------

“Ninkii timir abuuriyo ninkii tiin talaalaba taariikhdu wey werin."

-----------------------------------------------------------------------------

Wasiir Cabdi Cismaan Dhego-weyne wuu gutay maanta waajibkii ka saarnaa metalaada dadkiisa intii uu awoodi karayay muddadii uu hayay xilka wasiirnimo.

Masuulka wanaagsani waa ka la dareenka ah dadkiisa ee og waayaha ay ku sugan yihiin. Wixii dhib ku ah wuu ka dhowraa, dheefna wuu la doonaa.

Mudane Wasiir Cabdi Dhago-weyne wuxu tusaale wanaagsan u noqday da'yarta reer Awdal ee maanta joogta, harraadka badana u qabta hoggaaminta masuuliyiin si dhab ah ugu metala siyaasadda somaliland.

Maanta Cabdi dadkiisa ayuu geesi u yahay, mar  hadduu ku dhiiraday isaga oo haya xil wasiirnimo in uu raadiyo xaqa dadkiisa kaga maqan dowladnimada somaliland, waana wax aanay hortii cidina ku dhiiran.

Xil dowladdeed iyo duunyo kale oo si shaqsi ah loo helo waxa ka qiimo badan adiga oo sharaf wanaagsan ku dhex-jooga dadkaaga, waxay qabaana la qaba.

Mudane wasiir waan kaaga mahad-celinayaa sidii gobonimada lahayd ee aad ugu adeegtay dadkaaga muddadii aad haysay xilka wasiirno.

Waanu kuu xassuusnaan doonaa taariikhdaa weyn ee aad ka gashay raadinta xaqa dadka reer Awdal kaga maqan dowladnimada Somaliland.

“Ninkii timir abuuriyo ninkii tiin talaalaba taariikhdu wey werin."

Maxamed Suldaan Saleebaan 

Sweden