Labadii wariye ee ree Awdal kuna xidhnaa Xabsiga dhexe ee borama waa sidee xaalkoogu

BOOQASHADII XABSIGA EE MAANTA WAXA AAN MARKHAATI U HAYSTAA AYDAAX MAXAMED {MACALINKA}.

Maanta Gelinkii Hore, Mar Ay Goorsheegtu Ku Beegnayd Abbaaro 11:30AM Ayaan Xabsiga Hoose Ee Boorama Ku Booqanay 2-da Suxufi Ee Maalintii 20-aad Ku Xidhan Halkaasi.

Markii Aanu Dhiibanay Dalabkayagii Booqashada Ee Ku Aadenaa Dadka Aanu Soo Siyaaranay, Daqiiqado Kooban Kadib Ayaa 2-da Ganjeel Ee Gudaha Xabsiga Midkood Waxa Nagaga Soo Baxay 2-da Suxufi Ee Axmed Ciiltire Iyo Maxamed Dabshid,

Intii Ay Xagayaga Ku Soo Socdeen Way Dhoola-Cadaynayeen, Xaqiiqo Ahaan Waxa Ay Ahayd Farxad Aanu Is-Dhaafsanay Qacdii Hore Ee Aanu Indhaha-ba Iska Qaadnay.

,
Wejiyadoodu Ma Ahayn Sidii Toddobaadkii Hore, Balse Run Ahaantii Waxa Aad Ka Dheehanaysay Muuqaalka Cad Ee Lagu Yaqaano Marka Uu Qofku Maalmo Si Fiican U Nasto Jidh Ahaan Iyo Maskax Degan Oo Faraxsan.

Markii Ay Soo Gaadheen Qolka Martida Ee Aanu Ku Sugaynay Anaga Oo Sara-Taagan, Ee Aanu Is-Dhaafsanay Salaanta Xiisaha Badan Iyo Kal-Gacaylku Ka Muuqdo Ee Laabta-Laabta-Saar,

Kadib Ayaa Waxa Aanu Wada Qaadanay Waqti Fiican Oo Hadal, Qosol Iyo Kaftan-ba Leh,

Maadaama Maanta Oo Ahayd Maalin Axad Ah Aanay Ka Mid Ahayn Maalmaha La Booqdo Maxaabiista Ee Ay Yartahay Fursada Aad U Heli-Karto Waqti Ahaan In Aad La Qaadato Maxbuuska Aad Booqatay Oo Dadka-ba La Kala Horo,

Ayaa Ugu Horayn Kulankii Aanu Wada Qaadanay Waxa Ay Noo Cabireen Dareenkooda Oo Aan Ku Tilmaami Karo Mid Aan Ka Dhicin Kani Aynu Dibeda Ku Qabno Xagga Xorriyada,

Waxay Noo Sheegeen In Markasta Iyo Maalinkasta Meesha Dhexdeeda LooLa Dhaqmo Sidii Ay Ugu Jeclaayeen In LooLa Dhaqmo,

Waxa Ay Intaasi Noogu Dareen In Ay Fursad Fiican U Heleen Cibaadada RABBI Ee Mar-marka Qaar Ay Inaga Mashquuliso Aduunyadu Inta Aynu Suuqyada Joogno,

Midkood Wuxu Nagula Kaftamay In Midka Kale Uu Hurdo Ka Dhargay Oo Xabsigu Aanu Uga Dhicin Sidii Nin Degen Hutelka Saw Oo Xiliga Uu Doonaba Hurdada Iska Galaaya,

Waxaanu Ka Soo Baxnay Xabsiga Anaga Oo Aad Ugu Faraxsan Iyaga Oo Weliba Sii Daymoonayna,

Iyaguna Waxay Ku Noqdeen Qaybtii Ay Ka Degenaayeen Xabsiga Iyaga Oo Anagiiba Naga Sii Farxad-Badan.

Arimahaasi Oo Dhana Waxa Aan Markhaati U Haystaa Cammeraman Aydaax Macalinka Aydaax Mohmed Oo Ka Mid Ahaa Asxaabtii Saaka Igu Wehelinaysay Booqashadii Xabsiga.

Thanks You A Lot For Your Reading My Package.
Ibraahin Suxufi
Boorama.