Fanaan Hilaacii Hirgalay aabihii oo la sii daayay iyo Wariye ibraahim Suxufi oo faalo ka diyariyay xaalku aaabahaasi

Hargeysa {SUXUFI TIMES} C/raxmaan Xassan Oo Ah Aabaha Dhalay Fanaanka Nimcaan Hilaac Sidoo Kalena Ah Sarkaal Ka Tirsan Ciidanka Qaranka Somaliland Ayaa Dib U Heley Xorriyadiisa Goordhaweyd Oo Galabtii Gaabnayd Ah,

 Kadib Markii Uu 6-Maalmood Ku Xidhnaa Saldhiga Dhexe Ee Magaalada Boorama.

Siidaynta Sarkaalkani Ayaa Timid Kadib Markii Amar {Warqad} Ka Soo Baxay Garsoorka Ugu Sareeya Maxkamada Ciidamada Somaliland Ee Magaalada Hargeysa Lagu Cadeeyey In Aanay Wax-ba Ka Jirin Eedaymaha Loo Haystay Maxbuuska.

Sidaasi Darteedna Lagu Amray Taliska Qaybta Ee Gobolka Awdal In Si Degdeg Ah Uu Xoriyadiisa U Siiyo 3-Xiddigle Cabdiraxmaan Xasan Muuse.

Maxkamada Oo Dacwadani Qaaday 2-dii Maalmood Ee U Danbaysay Ayaa Xustay In Waxa Lagu Soo Eedeeyey Ay Yihiin Eedaymo Ka Dhan Ah Shaqsi Aan Ahayn Mid Huwan Magaca Ciidanka Qaranka Somaliland Taasi Oo La Macno Ah In Eedaymo Loo Haysto Wiilkiisa Aan Isaga Marnaba Loo Raacan Karin.

Balse Qoraalka Ka Soo Baxay Maxkamada Laguma Xusin In Raaligelin Laga Bixinaayo Qaabkii LooLa Dhamay Maxbuuska Markii Ay Ciidanku Soo Xidhayeen Oo Uu Tabanaayey Isagu In Ay Ahayd Mid Sharciga Baalmarsan.

Maxkamadani Ayaa Ah Mid Iyadu Qaabilsan Danbiyada Lagu Soo Eedeeyo Saraakiisha Ciidanka Iyo Police-ka Somaliland.

Sida Laga Warabo Sabtidii La Soo Dhaafay Ayey Ahayd Markii Ciidanka Police-ku Ay Gurigiisa Ka Soo Qabteen Isaga Iyo Gabadh Uu Dhalay 3-Maalmood Ka Hor La Sii Daayey. Iyada Oo Loo Haystay Eedaymo Ka Dhan Ah Wiilka Heesaaga Ah Ee Uu Aabaha U Yahay AL-Fanaan Nimcaan Cabdiraxmaan Xasan {Nimcaan Hilaac}.

                                           Faallada: Suxufi Times

                                               Ibraahim Suxufi 

                                                    Boorama