Baarlamaanka Maraykanka ee Aqalka Kongareska (Congress), ayaa xalay ansixiyey in sare loo qaado Deynta loo ogolyahay Dowlada Maraykanka iyo waliba in la ansixiyo miisaaniyada billaha soo socda ee xukuumada.
Go’aankan ayaa waxaa si weyn usoo dhaweeyey Madaxweynaha Maraykanka Barack Obama, isagoo sheegay in uu saxiixi doono go’aankan, isla markaana Baarlamaanka ugu mahadnahay qaadista xanibaada weyn ee ku timid xukuumada iyo dhaqaalaha Maraykanka.
Maanta oo ku beegan 17ka Oktober ayaa waxaa ku ekaa xiliga loo ogol yahay dowlada Maraykanka inay qaadato deynta oo gaartay meeshii ugu sareysay oo ku dhaw 17 Trillion oo dollar, Baarlamaanka Maraykanka ayaa hada sare u qaaday qiimahaasi loo jaan-gooyey deynta dowlada.
Shacabka Maraykanka ayaa si weyn ugu dhaliiceeyey Baarlamaanka Maraykanka diidmada ansixinta Miisaaniyada Xukuumada oo keentay in muddo 3 todobaad ah hakad galaan intii badneyd hawlihii dowlada Federaalka Maraykanka.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah