Malaayiin muslimiin ah oo kusoo uruuray magaalada barakaysan ee Makkah Almukarama…WARBIXIN

 {N.K}Malaayiin muslimiin ah oo kusoo uruuray magaalada barakaysan ee Makkah Almukarama ayaa bilaabay in ay ka guuraan caawa halkaan, waxayna udhaqaaqayaan Mina oo ka mid ah goobaha gudashada waajibaadka xajka.

Sida uu yahay qorshuhu Xujjaydu halkaas waxay joogidoonaan ilaa subaxda isniinta ee sagaalka Dil xaj, subaxnimada maalintaas ayay aadayaa Carrafah oo uu ka dhicidoono alle tuugga ugu wayn, maadaama uu Nabi Muxed nabad iyo naxariisi dushiisa ha ahaatee yiri “duco waxaa ugu khayr badan midda Carrafo”waxaana halkaas ay wufuudda ilaah joogidoonaan illaa gabbal dhaca maalintaas.

Inta aan la tukan salaadda maqrib ayaa Xujjaydu ka tagayaan carraffo waxaana maqribka loo tukanayaa Muzdalifa oo ah goob ka mid ah goobaha Xajka, halkaas ayayna ku baryidoonaan Xujjaydu habeenkaas.

Maalinta tobnaadka Dil Xaj qorrax soobaxa ayaa lagu noqonayaa Mina, waxaana laqabanayaa maalintaas afar Camal oo kal ah:-

1: waxaa todobo dhagax uu Xaaji kastaa ku tuurayaa dhagaxa lagu magacaabo Alcaqabah

2:Waxaa laxiiranayaa madaxa

3:waxaa lagawracayaa xoolaha

4:waxaa lagudanayaa Dawaafka lagu magacaabo dawaaful Ifaaphah, waana maalinta ugu shaqada badan Xujjayda.

Maalmaha 11, 12, 13, Dil-Xajj waxaa        Xaaji kasta dushiisa ah labo Camal maalintii waa in uu 21 dhagax ku tuuraa sadexda dhagax habeenkiina  waa in uu ku hoydaa Mina.

Camalka ugu danbeeya ee xujjayda waa Dawaaful wadaac ama dawaafka sagootinta oo ah kan lagu soo gabangabeeyo Acmaasha Xajka.

Waaxda socdaalka ee dalka Sucuudiga waxaa ay sheegtay in ilaa hadda si wanaagsan ay hawshu usocoto, waxayne sheegeen in ay xireen 173 qof oo lagu haysto in ay sameeyeen Baasaboorro iyo dal-ku gal been abuur ah.

Somaalida oo ka mid ah Muslimiinta sanad walba xajjiya waxaa haysta duruuffo u gaar ah.

Maadaama dalka ay dhibaatooyin ka jiraan mahelaan xuquuq la mid ah tan Muslimiinta kale, gaar ahaan waxaad dareemaysaa in aanay helin dad ku haga nidaamka Xajka oo tusa goobaha cibaadada, sidoo kale dad badan oo ka mid ah Xujjayda Soomaalida waxaa ku adag in ay fahmaan habka nolosha dalkaan taas oo durba la arkay dhibkeeda oo ay ka mid tahay sida ay u isticmaalayaan wadooyinka oo ay Zaxmad ka jirto.

Magaalada Makkah labadii bari ee lasoo dhaafay labo Xaaji oo Soomaali ah ayaa ku dhaawacmay Shil gaari.

Waxaa Xusid mudan in aad looga taxadaray in aanay dhumin Xujjaydu, waxaana qof kasta uu haystaa ugu yaraan sadex calaamadood oo si fudud loogu helikaro haddii uu dhumo.

Waxaa jira cibaadooyin aan ka mid ahayn Xajka laakiin aad muhiim u ah oo ay Xujjaydu samaynayaan waxaana ka mid ah, booqashada Masjidka Nabiga c/s/w ee madiina, iyo qabrigiisii oo ay ku dhinac-yaallaan qabuurihii Abuubakar iyo Cumar Bin khadaab ilaah labadoodaba hakka raali ahaadee, waxaa kaloo labooqdaa qabuuraha Baqiic oo ay ku duuganyihiin in ka badan todobaatan kun oo saxaabi iyo masjidkii ugu horeeyay ee uu dhisay Nabigu C/s/w ee Qubaa iyo buurta Uxud oo ay kaabiga ku hayaan qabuuraha todobaatameeyo saxaabi oo ku shahiiday dagaalkii Uxud.

Ugu danbayn halkaani waa meel uu ilaah uga mahadceliyo qofkii uu usaamaxay in uu yimaado kii aan imaanna uu ilaah waydiistu in uu ufududeeyo

Nuux kadiye