Skip to main content

Somaliland Oo Dalab Qoraal Ah U Dirtay Dawladda Federalka Somalia

Hargeisa(N.K)- Xukuumadda Somaliland, ayaa dawladda federaalka Soomaaliya u dirtay Warqad qoraal ah oo ay kaga dalbanayso inay tixgeliso heshiishkii labada dhinac ku dhex-maray waddanka Turkiga wadahadal dalkaasi marti-geliyey ka dib.

Wasiirka Wasaaradda arrimaha dibedda iyo Iskaashiga Caalamiga ah ee Somaliland Maxamed Biixi Yoonis, ayaa sheegay inuu Warqad qoraal ah u diray dawladda Soomaaliya, isla markaana ka dalbaday inay tixgeliso heshiiska ku wada galeen Somaliland iyo Soomaaliya wadahadalkii Turkigaka ee ugu dambeeyey.

 

Wasiirka arrimaha dibedda Somaliland Maxamed Biixi Yoonis, oo shalay u warramay Wariye Xamse Cali Bulbul oo ka mid ah Telefiishanka Qaranka Somaliland(SLNTV), waxa kale oo uu ka hadlay guulaha Safarkii Turkiga uga soo baxay Somaliland, gaar ahaan dhinacyada siyaasadda arimaha dibada iyo iskaashiga caalamiga ah ee Somaliland la yeelanayso dalka Turkiga.

Waxa uu Wasiirka Arrimaha dibedda Somaliland, Wareysigaas ku sheegay inuu Wasiirka arrimaha gudaha Soomaaliya u diray Warqad uu kaga codsanayo inay tixgaliyaan heshiiskii ay la gaadheen Somaliland.

 

Wasiirka wasaaradda arimaha dibada Somaliland Maxamed Biixi Yoonis, ayaa tilmaamay in Somaliland guulo wax ku ool ahi uga soo baxeen safarkii Madaxwaynaha ay ku wehelinayeen ee dalka Turkiga, isla-markaana laga wada hadlay sidii dawladda Turkigu ay xafiis diblamaasiyadeed uga furan lahayd Somaliland isla-markaana Somaliland xafiis kaasi la mid ah ugu yeelan lahayd dalka Turkiga.

 

Maxamed Biixi Yoonis, waxa kale oo uu ka hadlay xidhiidhka ka dhexeeya Somaliland iyo ururka Midowga Afrika, waxaanu tilmaamay in Somaliland ku dedaalayso sidii ay Ururka Midowga Afrika ugu qancin lahayd aqoonsiga Somaliland, maaddaama oo Somaliland buuxisay guud ahaan shuruudihii laga rabay dawlad madax-bannaan

Comments

Post a Comment

Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah

Popular posts from this blog

Madaxweyne ku xigeen Saylici oo Madaxtooyada ku Qaabilay Wariyayaal Ree Borama ah

 Madaxwayne Ku Xigeenka JSL Oo Madaxtooyada Ku Qaabilay Wafdi Suxufiyiin Reer Awdal Ah Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici ayaa maanta xafiiskiisa ku qaabilay wafdi ka socday suxufiyiinta gobolka Awdal oo maalmahii u dambeeyay hawlo shaqo u joogay magaalada Hargaysa. Wafdigan suxufiyiinta ah oo uu hogaaminayay Musharaxa Jagada Gudoomiye-nimo ee ururka Suxufiyiinta Somaliland ee Solja Eng. Maxamed Xasan Ismaaiil Sharbi-yare oo ay weheliyaan suxufi Maxamed Nuur Muuse Bilibili & Suxufiyad Fadxiya Yaasiin Buuni ayaa lagu qaabilay hab-maamuus uu maqaamkiisu aad u sareeyay. Kulankan oo ahaa mid albaabadu u xidhan yihiin ayaa markii uu soo dhamaaday waxa warbaahinta uga waramay Suxufi & Musharax Eng. Maxamed Xasan Ismaaciil Sharbi-yare waxana uu hoosta ka xariiqay in uu ahaa kulan midho dhal ah. “Aad ayaan Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici uga mahadcelinaynaa sida kara
Post a Comment
Read more

Qof ku sugan Magaalada Saylac ayaa duubay Muuqaal Muujinaya diyaarado Gaaf wareegaya Hawada Saylac

  Waxa markii u horaysay magaalada Saylac lagu arkayaa diyaarado nuuca qumaatiga u kaca oo xeebta Saylac dhanka Barri kaga beegan ka soo degay. Diyaaradahan oon la garanayn ayay dadka degaanku shegeen inay ciidamo kasoo dageen iyo gadiidka badda nuuca la naqaseeyo. Cabaar markay ka dageen ee ay naqasaysteen gadiidkii bada ay ku gali lahayeen ayay u kaceen dhanka gudaha badda. Wali lama hayo war intaasi ka faahfaahsan. Mana jirto wali cid maamulka dawlada matasha oo xog intaas ka dheeriya oo ciidankan ku saabsan bixisay. Waxaan se ognahay oo xaqiiqa markaan aqliga ka shaqaysiino in ciidankani aanay ahayn kuwa maraykanka, reer yurub, iyo China ee saldhigyada ku leh dalka jabuuti oo aaney jirin wax ay ugu baahan karaan inay dhulka bariga ee xeebaha Saylac ka soo dagaan diyaaradohoogu isla markaana ku rakibtaan gadiidka yar yar ee badda, Sidoo kale waxaan isla garan karnaa inaaney ahayn ciidamada ilaalada bedhcad badeeda ee badda cas ka haw-gala oo iyagna saldhig ciidan ku leh dalka aynu j
Post a Comment
Read more

Rumayso ama diid, Farogalinta maantu waxa ay gaar ku tahay deegaanada (Gadabuursi iyo Habarjeclo

  La Dareena Shiinaha! Dhulka qabiilka ayaa iska le, khayraadka ku jirana waa la gu la leeyahay. Ingriisku waxa uu Soomaalilaan u soo dagay xoolaha nool oo kaalin mug leh u gu jiray ciidamadiisa degan Cadan, Talyaaniguna koonfur waxa uu u dagay beeraha oo muhiim u ahaa warshadihiisa. Maanta, waa dagaal dhaqaale, Shiinuhu waxa uu dirayaa fariin ku socota beelaha oo ah (Dhulbahantoow xadkiinu waa ilaa Beer oo Ingriis ayaa idinka qaaday), laakiin, Isagu waxa uu u socdaa ceelasha Shidaalka ee Deegaankaa ku yaal in uu ka horjoogsado Taiwan, waxa kale oo uu odhanayaa (Gadabuursow Jabuuti iyo Saylac idinka ayaa lahaa, oo Ingriis iyo Faransiis ayaa idinka qaaday), laakiin, Isagu waxa uu u socdaa xeebta gobolka oo qiimo u gu fadhida mashruuciisa Kaabayaasha (BRI) in uu ka horjoogsado Ingiriis iyo Imaaraat. Dagaalka beelaha la galinayo, waa dagaal la gu la jiro reer galbeed (Anti Neocolonial Movement), ee ma aha Jacayl iyo wax la guu gu qabanayo. Beeluhu haday garanwaayaan danaha qarsoon ee la g
Post a Comment
Read more