Maxkamada dalka Maleesiya ayaa go’aamisay in Erayga ALLAH ay adeegsan karaan oo kaliya dadka heysta diinta Islaamka, kadib markii dood xoogan ka dhalatay adeegsiga Erayga AllAh oo ay qaar kamid ah dadka Kirishtaanka adeegsadaan.
Kaniisadaha ku yaal dalka Maleesiya ayaa qaarkood kutubtooda ku qoron afka Maleega ku qora erayga Allah oo ay u adeegsadaan tilmaamida Illaahay (swt).
Balse arrintan ayaa waxaa si weyn uga soo horjeestay Muslimiinta oo sheegay in Eraygaasi uu yahay mid Islaami ah oo ay adeegsan karaan oo kaliya dadka muslimiinta ah. Waxayna sidoo kale sheegeen in adeegsiga Kirishtaanka ee eraygaasi uu yahay mid tashwiish lagu gelinayo dadka muslimiinta ah.
Dacwadan oo ay maxkamada Malesiya muddo dhageysaneysay ayaa go’aankii ay kasoo saartay sheegtay in Erayga Allah aysan adeegsan Karin dadka Kirishtaanka ah ama aan lagu qori kari qoraaladooda ay ku faafiyaan diinta Kirishtaanka
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah