Golaha Wakiilada Somaliland Oo Talooyin Iyo Go`aamo Ku Ansixiyey Miisaaniyada Sanadeedka 2014-Ka Hay`addo Dawlada Ka Mid Hakiyey Miisaaniyadoodii. - See more at: http://ramaasnews.com/index.php/News/Golaha-Wakiilada-Somaliland-Oo-Talooyin-Iyo-Goaamo-Ku-Ansixiyey-Miisaaniyada-Sanadeedka-2014-Ka-Hayaddo-Dawlada-Ka-Mid-Hakiyey-Miisaaniyadoodii.

Hargeysa(Nuux kadiye)Okt.13, 2013-Golaha wakiilada Somaliland ayaa maanta cod aqlabiyad ah  ku meel mariyey miisaaniyada sanadeedka 2014-ka oo ay Goluhu ka doodayeen mudo todobaadyo ah Golaha  ayaa go’aamo iyoTalooyin ku Lifaaqay Miisaaniyadda 2014-ka ee ay maanta Ansixiyeen, go’aamadaas oo ay ku hakiyeen qaar ka mid ah Miisaaniyadaha Hay’addaha Dawladda qaarkood oo ay saluugeen kharashaadka ay hay`adahaasi adeegsadaan.

 GO,AANKA ANSIXINTA MIISAANIYADDA 2014

 Markaan eegnay qod 54 ee dastuurka faqradaha 1-4

Markaan eegnay qod 55 ee dastuurka Faq 1aad  oo tilmaantay: Golaha Wakiiladu waa uu ka doodi karaa, waxna ka bedeli karaa miisaaniyadda, kuna ansixinayaa go,aan golei

Markaan araganay qodo. 3aad   ee Xeer Hoosaadka Golaha Wakiilada JSL Faqradiisa 4aad

Marka Goluhu dhegeystay khudbadka ododroska miisaniyadda qaranka ee 2014 ee Wasiirka Wasaardadda Maaliyadda

Marka Goluhu dhegeystay Warbixinta Gudidda Dhaqaalaha , Ganacsiga iyo Maaliyadda ee Golaha Wakiilada ee ku saabsanayd odoroska Miisaaniyadda qarnka ee 2014 iyo soo jeedinta Gudidda.

Markuu Goluhu dhegeystay dooda mudanyaasha Golaha Wakiiladda ee odoroska miisaaniyadda  qaranka ee 2014 ee socotay laba maalmood

Markuu tixgeliyey soo jeedinta aqliyadda mudanyaasha ee Golaha

Waxa Goluhu gaadhay go,aamada  iyo talooyinka soo socda oo ka mid noqon go,aanka ansixinta miisaaniyadda qaranka ee 2014

Go,aamo

1. In hey,adaha ku jira miisaaniyadda Dawladda Dhexe ee 2014 ee  aan Golaha

Wakiilada loo soo gudbin xeerarkii lagu aasaasay loogu soo gudbiyo Golaha  sagaashan (90) cisho gudahood,  Hey.adda aan lagu soo soo gudbin xeerkeedana la hakiyo sii deynta miisaaniyadeeda ilaa inta Golaha loo soo gudbinayo .

2. in miisaaniyadda laga saaro hey,adaha sharciyadooda ama muddo xileedkoodu dhamaaday sida Gudidda diiwaangaelinta ururada siyaasadda iyo Ansixinta Axsaabta Qaranka.

3. In laga bilaabo odoroska miisaaniyadda 2015 la goboleeyo miisaniyadda dawladda dhexe.

4. in qaybta loogu talo galay mashaariicda horumarinta 2%  gobolada bari iyaga oo mashaariicysan ka muuaqato misaaniyadda qaranka laga bilaabo 2015.

5.  In lacagta loogu talo galay horumarinta wadooyinka la mashruuceeyo laguna muujiyo jaantus muujinayo lacagta wadooyinyka kala duwan looga  qoondeeyey

6. Inuu Golaha uu hor yimaado Wasiirka Wasaaradda Maaliydu si sharaxaad dheeraad uu Golaha uga siiyo  baahida keentay abuurista Khasnadda Guud ee Qaranka  uguna iftiimiyo madax xigayaasha khasnadda Guud ee  Qaranka

7. Inuu  Wasiirka Wasaaradda Qorsheynta Qaranku   Golaha Wakiilada hor yimado si uu  sharaxaad dheeraad ah uga siiyo dakhliga deeqa caalamiga ( UK, Denmark) iyo mashaariicda laga maalgelinayo sanad miisaaniyadeedka 2014 taas oo dhan $ 13,500,000,=  ( saddex iyo toban milyan shan boqol kun dollar keliya)

8. In la ansixiyo siyaasadda misaaniyadda qaranka iyo odoroska miisaaniyadda qaranka ee 2014 oo dhan Somaliland Shillings 1.267.033.716.000,= ( hal triliyan laba boqol lix iyo todoba bilyan, saddex iyo soddon milyan iyo todoba boqol lix iyo toban kun Somaliland Shilin).

Talooyin

Waxa kale oo iyana miisaaniyadda lagu ansixin doonaa talo soo jeedimahan oo ka soo baxay dooda mudanyaasha

1.  in siyaasadda miisaaniyadda qaranka ee 2015 mudnaan la siiyo wasaadaha  wax soo saarka sida xoolaha, beeraha , kalluumeysiga iyo deegaanka lana kordhiyo miisaaniyadooda.

2. iyada oo la eegayo heerka sicir bararka ee ka jira Somaliland in loo kordhiyo ciidamada qaranka iyo shaqaalaha 40% musharkooda sanad miisaaniyadeedka 2015.

3. in dib u eegis lagu sameeyo miisaaniyadda wasaaradaha Maaliyadda, Madaxtooyada, wasaaradda warfaafinta, TV ga Qaranka, Ciidanka Ilaalada Madaxtooyada  iyo Khasnadda Guud ee Qaranka.

4. In dhamaan hey.adaha madax banaan ay mid kasta muujiso waxay ku soo kordhiso misaaniyadda qaranka  si ay muuqato inay  qarankan wax tar u leedahay oo aanay noqon misaaniyadahoodu dhakhli iyo kharaj isku sar go,an oo keliya

Codeyn.

Mudanyaasha ogol go,aanka ansixinta miisaaniyadda Qaranka ee 2014 oo ka kooban go,aamada iyo talo soo jeedimaha golaha laga hor akhriyey Gacanta ha taageen

Mudanyaasha diidan in la ansixiyo misaaniyadda qaranka 2014 gacanta ha taageen

Mudanayaasha aamusay gacanta ha taageen

Ku dhawaaqis natiijada codeynta

Ogol

Diiday

Aaamusay

Gudoomiyuhu ma codeyn

Sidaas buu ku ansaxay go,aanka ansixinta miisaaniyadda qaranka  ee 2014 oo ka kooban go,aamo iyo talooyin

 Dhamaadka Kalfadhiga Caadiga ah ee Golaha

Maanta waxa dhamaaday kal fadhigii caadiga ahaa ee Golaha Wakiilada JSL waxaan uu goluhu galayaa fasax sideed usbuuc ah oo ka bilaaba berri oo taariikhdu tahay 14.10.2013.

Nuux kadiye