Aqalka Senetka ayaa maanta u codeynaayey in la soo afjaro doorka siyaasadeed ee Berlusconi iyo in uu helo fursad kale, Senators-ka ayaa u codeeyey sidii la filaayey waxayna banaanka ka dhigeen Berlusconi Baarlamaanka iyada oo laga xayuubiyey Xildhibaanimadii, taas oo meesha ka saareysa xasaanadii iyo maamuuskii uu lahaa isla markana keeni karta in lagu soo oogo denbiyo badan oo ay ka mid tahay gabdaha yar-yar ee lagu eedeeyey in uu la faro ciyaarey.
Dhawr kun oo qof oo ka tirsan Xisbiga Froza Italia ee uu asaasey Silvio Berlusconi ayaa isugu soo baxay banaanka hore ee Palazzo Grazioli magaalada Rome, si ay u dhegaystaan khudbado lagu dhaliilayo xukunka lagu ridey hoggaamiyahooda.
Berlusconi ayaa shega in ay maanta tahay maalin dimoqradiyaddu murugooneyso.
Bishii August 2013 ayaa Berlusconi lagu xukumey 4 sano oo xarig ah, kadib markii lagu heley canshuur uu la dhuuntey, waxaana loogu beddalay hal sano oo xabsi guri ah ama in uu dowladda ugu shaqeeyo mushahar la’aan muddo sanad ah.
Berlusconi 77 jir ah, oo ah maalqabeen iska leh Warbaahinta ugu awoodda badan dalka Talyaaniga ayaa saddex jeer noqdey Raysalwssaaraha dalka Talyaaniga.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah