Skip to main content

Taleex Oo Lagu Kala qaxay, Axmed-karaash oo Teknikadii Khaatumo Kuwareejiyey Puntland oo Ciidammo Dhoobtay Tukarraq+Dhaqdhaqaaqa diyaargarowga Somaliland.


Ceerigaabo(Nuux kadiye) Wararka naga soo gaadhaya degaanka Taleex ee maalmahanba dirirta colaadeed ka dhex aloosnayd madaxdii maammulka Khaatumo la baxay oo iska hor yimid oo laba garab u kala jabay iyo madaxweyne-kuxigeenka Puntland C/samad Cali Shire
islamarkaasna sababay dagaallo dhex maray ciidamma-beeleedyadii degaankan hore ugu sugnaa iyo ciidammo kazoo weeraray dhinaca Puntland iyo khasaarayaal kaleba ayaa waxay sheegayaan in magaalada Taleex Caawa haawanayso oo lagu kala qaxay taasoo ka dhalatay kaddib markii bulshada degaankaas gudeheedu noqdeen “Nin wax diley oo cabsanaya iyo Nin la diley oo ciil qaba”. Sidaasi darteedna qoloba jahadii ku beegnayd ama danteedu uga muuqatay ay uga dhaqaaqday magaalada Taleex.

Wararku waxay kaloo sheegayaa Axmed-karaash in uu gaadiidkii iyo hubkii Beelaha Naallaye Axmed uu ku wareejiyey Puntland oo gacanta u geliyey C/samad Cali Shire (Madaxweyne-kuxigeenka Puntland) .

Sidoo kalena waxay wararku sheegayaan qaar ka mid ah malleeshiya-beeleedkii gacanta ku haysey gaadiidka teknikada ah ee Beelaha Nuur Axmed qaarkeed in ay la baxsadeen ulana kicitimay dhinaca Kalcad oo degaan u ah Beelaha hubkan leh, taasoo loo aanaynayo khilaaf soo kala dhex galay Beelaha Nuur Axmed iyo C/samad Cali Shire oo salka ku haya mashaqada Taleex ka dhacday oo loo aanaynayo C/samad Cali Shire.
tekniko1
Waxa sidoo kale C/samad Cali Shire Taleex ka sheegay in uu u talinayo Ugaadhyahan islamarkaasna aanu oggolaan doonin gaadhi danbe oo Tikniko oo cidla taagnaada. Taasoo ka cadhaysiin karta beelaha Ugaadhyahan.
Waxana C/samad Cali Shire fiidnimadii caawa ka kolayaystay magaalada Taleex halkaasoo jaha uu u dareeray ilaa imminka aan la xaqiijin haseyeeshee wararka la isla dhexmarayo qaarkood ay tibaaxayaan inuu u kolayaystay dhinaca Garoowe halka qaar kalena tibaaxayaan inuu u kolayaystay dhinaca Tukarraq oo fadhiisin u ahayd ciidammada Puntland.
Tekniko2 (1)

Dhinaca kalena Puntland ayaa ciidammadeeda soo dhoobtay Tukarraq oo qiyaastii 30-km u jirta fadhiisinnada Ganbadhe ee ciidammada Somaliland taasoo aan la saadaalin kain sababta ciidammadan Puntland usoo dhoobtay xilligan Tukarraq.
Sidoo kalena dhinaca Somaliland ayaa waxa wararku sheegayaan in laga dareemayo dhaq-dhaqaaqa diyaargarow ciidan.

Comments

Post a Comment

Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah

Popular posts from this blog

Madaxweyne ku xigeen Saylici oo Madaxtooyada ku Qaabilay Wariyayaal Ree Borama ah

 Madaxwayne Ku Xigeenka JSL Oo Madaxtooyada Ku Qaabilay Wafdi Suxufiyiin Reer Awdal Ah Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici ayaa maanta xafiiskiisa ku qaabilay wafdi ka socday suxufiyiinta gobolka Awdal oo maalmahii u dambeeyay hawlo shaqo u joogay magaalada Hargaysa. Wafdigan suxufiyiinta ah oo uu hogaaminayay Musharaxa Jagada Gudoomiye-nimo ee ururka Suxufiyiinta Somaliland ee Solja Eng. Maxamed Xasan Ismaaiil Sharbi-yare oo ay weheliyaan suxufi Maxamed Nuur Muuse Bilibili & Suxufiyad Fadxiya Yaasiin Buuni ayaa lagu qaabilay hab-maamuus uu maqaamkiisu aad u sareeyay. Kulankan oo ahaa mid albaabadu u xidhan yihiin ayaa markii uu soo dhamaaday waxa warbaahinta uga waramay Suxufi & Musharax Eng. Maxamed Xasan Ismaaciil Sharbi-yare waxana uu hoosta ka xariiqay in uu ahaa kulan midho dhal ah. “Aad ayaan Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici uga mahadcelinaynaa sida kara
Post a Comment
Read more

Labo ka mid ah isbitaalada ugu waawayn marinka Gaza oo shaqo joojin sameeyay

 Laba ka mid ah isbitaaladii ugu waawaynaa Marinka GAZA ayaa joojiyay hawlihii caafimaad ee ay u qabanayeen bukaanada ku soo dhaawacmay duqeymaha halkaasi ka socda  Labadii isbitaal ee ugu weynaa Gaza ayaa joojiyay inay qaabilaan bukaanno cusub sababo la xiriira duqeymaha ka dhanka ah Israel iyo daawo yaraanta ay weheliso Gabaabsiga shidaalka, iyadoo la sheegayo inay Korortay dhimashada bukaanada iyo shaqaalaha caafimaadka. Al-Shifa iyo Al-Quds, oo ah isbitaallada ugu waaweyn Gaza, ayaa sheegay inay gabi ahaanba Hakiyeen hawlihii shaqo ee Gargaarka iyo daawaynta bukaanada  Dhinaca kale warar soo baxaya ayaa tilmaamay in qaar kamida shaqaalihii caafimaadka isbitaaladaasi la dilay  inkastoo hayada caafimaadka aduunka ay ka digayso kororka dhimashada bukaanada kuna baaqday in si deg deg ah loo sameeyo Xabad Joojin .
Post a Comment
Read more

Gadabuursigu ma Soomaali baa, Mise Oromo? Qore Rabiile Xaaji Abiib

  Gadabuursigu ma Soomaali baa, Mise Oromo? Magaca Gadabuursi, waxa inta badan la yidhaa waa naanaysta "Ilma Siciid", sida aan ka akhriyay Buugga taariikhda Gadabuursiga ee uu qoray Cabdiraxmaan Qaadi (AHUN). Qoomiyada Oromadu waxa ay leeyihiin fasiraad dheer oo qodobkan la xidhiidha. magaca Gadabuursi waxa ay si toos ah u la xidhiidhiyaan nidaamka maamul ee dhaqanka Oromada (Gada System). Waa nidaam dimuqraadi ah oo ay dadku soo doortaan Gandaha Dhaqan oo ah xeerbeegtida bulshada oo uu madax ka yahay (Abaa-gadhe), golaha Difaaca oo ah hogaanka ciiidanka oo u madax ka yahay (Abaan-Duulle) iyo Golaha Sahanka iyo Xidigiska oo madax ka yahay (Abàan waare). Nidaamkan GADA ayay ku tilmaamaan in uu ahaa nidaam gadabuursiga la gu majeeran jiray, magaca Gadabuursi na uu kala jabo laba qaybood oo kala ah Gada oo ah "Nidaam" iyo "Biirsi" oo ah hadhaadigii. Macnuhu waa hadhaagii Nidaamka. Siday ku timid? Inkasta oo aanay dhacdadani si cad u gu dhignayn Buugga furash
Post a Comment
Read more