Awdal today-Afar ruux oo loo haysto in ay ku lug lahaayeen weerarkii lagu qaaday xaruntii ganacsiga ee Westgate ayaa ka bilaabatay magaalada Nairobi ee caasimadda dalka Kenya.
Afartan qof ayaa la sheegayaa in Jinsigoodu uu yahay Soomaali, isla markaana lagu eedeynayo in ay yihiin raggii ka dambeeyey weerarkii 21-kii November lagu qaaday xarunta West get ee dalka Kenya, hasa yeeshee maxkamad ku taalla Nairobi ayaa billaabday dacwadda ka dhanka ah raggaasi.
Magacyada raggan dacwadda argagixisinimo loo geysto ayaa lagu sheegay Maxamed Axmed Cabdi, Liibaan Cabdullahi, Cadnaan Ibraahin iyo Xuseen Xasan.
Stephen Juma oo ka mid ahaa ilaalada xaruntii weerarka uu dhacay ee Wastage, ayaa warfidiyeennada u sheegay in uu arkay afar qof oo gudaha suuqa soo galay kaddibna toogtay macaamiil wax iibsanayey, waxa uu xusay in uusan ku caddeyn karin afarta ruux ee maxkamadda ka horkeenay in ay yihiin kuwa falkaasi fuliyey.
Maxkamadda ayaa sheegtay in todobaadka dambe marqaatiyaal la keeni doono maxkamadda horteeda, weerarkii Westgate, waxaa ku dhintay 67, ruux in ka badan 200 oo qofna waxyeello ayaa ka soo gaartay, Al-Shabaab ayaa weerarkaasi sheegtay in ay ka dambeeyeen.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah