War-Deg-Deg Ah Gacan Ka Hadal Xafiiska Dawlada Hoose Ee Boorama Ku Dhex Maray Maayorka Iyo Maayor Ku Xigeenka Degmada Boorama

Boorama-(Bakinews)-Maayorka Saleebaan Xasan Xaddi iyo maayor ku xigeenka degmada Boorama Maxamed Faarax Muxumad(Dheerayste) ayaa saaka aroortii hore gacan ka hadal ku dhex maray xarunta Dawlada hoose Ee Boorama Dhexdeeda.

Gacan ka hadalka dhex maray labadan masuul ayaa waxaa noo xaqiijiyay mid ka mid ah shaqaalaha dawlada hoose oo ka gaabsaday in magaciisa la xuso waxa uuna BooramaOnline u xaqiijiyay in gacan ka hadalkani bilaabmay ka dib markii? maayor ku xigeenka oo shaqo uu ku maqnaa ka soo laabtay soona galay xafiiska maayorka degmada Boorama hadal taag taag ah ka dib waxaa bilaabmay gacan hadalkii labadan masuul in yar ka dibna shaqaalihii iyo xildhibaano joogay ayaa si degdeg ah u kala dhex galay ayuu yidhi goobjoogahaasi?.

Si kastaba ha ahaatee ilaa haatan lama garanayo labadan masuul sababta rasmiga ah ee khilaafkoodan sababay waxaase maalmihii u danbeeyay jirta xurgug hoose taas oo natiijadeedii hordhaca ahayd maanta la arkayo lamana saadaalin karo halka ay kubiyo shuban doonto khilaafkoodan soo ifbaxay maanta.