Guddoomiyaha Golaha Wakiilada Ahna Gudoomiyaha Xisbiga WADDANI Oo Cadeeyay In Aanay Kula Socon Faysal Cali Warabe, Wadahadalkii Uu Sheegay In Mucaaradku La Furayo Dawladda Soomaaliya
Hargeysa-(ATN)-Guddoomiyaha xisbiga Mucaaradka ah ee WADDANI, Ahna Guddoomiyaha Golaha Wakiilada Somaliland, Md. Cabdiraxmaan Maxamed Cabdilaahi (Cirro), ayaa markii ugu horeysay sheegay in aanay xisbiga UCID kula socon wadahadallo dhawaan uu Faysal Cali Waraabe sheegay in Mucaaradku la furayaan Soomaaliya, haddii xukuumaddu ka reebtay weftiga Somaliland uga qayb-galaya Wadahallada Soomaaliya.
Guddoomiye Cabdiraxmaan Cirro, waxa uu sheegay in xisbiga WADDANI caqbalayo natiijada ka soo baxda Wadahallada Somaliland iyo Soomaaliya ee wejigooda shanaad toddobaadkan ka furmayo dalka Turkiga, isla-markaana aanay diidmada natiijadooda kula socon Faysal Cali Waraabe.
Guddoomiyaha xisbiga WADDANI, oo maanta u waramay Telefiishanka Maxaliga ah ee Bulsho Tv, ayaa sheegay in xisbi ahaan aanay Faysal Cali Waraabe la ogeyn wadahallada uu sheegay in Mucaaradku la furayo dawladda Soomaaliya.”
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah