Ugu yaraan 10 qof ayaa ku geeriyooday dalka Maraykanka kadib markii cimiladu is beddeshey

Ugu yaraan 11 qof ayaa ku dhimatey, kadib markii qabowga xilliga Jiilaalku uu noqdey mid aan la malaysan karin qaybo kamid ah dalka Maraykanka, meelaha barafka iyo qabowga ba’an ku dhuftey ayaab ah laga soo bilaabo Dealaware ilmaa iyo laga gaaro gobolka Maine.
Qabow, baraf aad u xoogan, iyo dabaylo woodleh ayaa xanibey duulimaadyada diyaaradaha, jidadka gawarida iyo in caruurtu aadan Iskoolada.
Subaxnimadii maanta oo Sabti ah, ayaa noloshu si caadi ah ugu soo noqoneysaa tobanaan milyan oo qof oo cimilada is beddeshey saameyn ku yeelatey.
Qabowga ayaa gaaray meelaha qaarkood mid ka hooseeya 20c, sidaas si la mid ah ayaa Gobolka Quebec ee Kanada qabowgu gaaray-26c, dabayshuna ay ahayd mid xoogan oo qabow.
Maalinta Isniinta ah ayaa gobolka Soomaalidu ku badan tahay ee Minnasota qaybo kamid ah Iskoolada la fasaxey, kadib markii la saadaaliyey in qabowgu gaari doono-30c.