Hargeysa(Bakinews)Jan.14, 2014Wasiirrada wasaaradaha Duulista Hawadda iyo Ganacsiga iyo Maalgashiga somaliland Maxamuud Xaashi Cabdi iyo Dr. Maxamed Cabdilaahi Cumar, ayaa socdaal ku maraya dalka Imaaraadka carabta, waxaanay sheegeen in qasdiga booqashadoodu uu salka ku hayo sidii maal-gashadeyaal caalami ah dalka loogu soo xidhi lahaa.
Weftigan oo shalay gaadhay imaaraadka carabta waxay ka hadleen socdaalkooda. Wasiirka Duulista Maxamuud Xaashi Cabdi oo ka hadlayay socdaalkooda waxa uu yidhi “Waxaan halkan ugu nimid socdaalkaasi oo ay nagu martiqaadeen shirkada duulista hawada ee imaaraadka iyo shirkadda diyaaradaha ee Air Arabia. Ujeedada ugu weyn ee socdaalkani xambaarsan yahay waxa weeye inaanu shirkadaha ka wada hadalno arrimo ganacsi iyo maal-gashi.”
“Somaliland waa wadan u furan ganacsiga, xukuumaddan Madaxweyne Axmed Siilaanyo gadh-wadeenka ka yahayna waxa siyaasadaheeda ka mid ah inaanu dalkan u soo jiidno dad maal-geliya si kaabeyaashiisa dhaqaale kor ugu kacaan,”ayuu intaas raaciyay Wasiir Maxamuud Xaashi.
Wasiirku waxa uu intaas ku ladhay “Dhinaca kale arrimaha noocaas ah waxaanu bisalkeeda iyo fahamkeeda leenahay inay u baahan yihiin taxadir iyo inaanu ka turjunno masaalixda ummadda, wixii socdaalkayaga ka soo baxana dib ayaanu ka iftiimin doonaa.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah