Xudun(Bakinews)Jan.12, 2014Dagaal sababay dhimashada saddex qof iyo dhaawaca saddex kale ayaa laba maleeshi beelood ku dhexmaray deegaan Doclaha oo 45-km dhinaca galbeed kaga beegean magaalada Xuddun ee gobolka Sool.
Dagaalkan oo billowday saaka ayaa wuxuu ka dhashay nin shalay lagu dilay deegaankaas sida ay wararku sheegayaan,ka dibna uu halkaasi saaka ka qarxay dagaalkan dhimashada iyo dhaawaca sababay,Wararka ayaa waxay intaas ku darayaan in dgaalka uu yahay mid laba beelodo oo reer guuraa ah u dhexeeya, iyadoo maydadka dagaalka ku dhintay laba mid ah la geeyay magaalada Yagoori oo Laascaanood 52-km dhinaca Waqooyi kaga aaddan; halka magaalada Oog oo 110-km Waqooyi kaga beegan magaalada Laascaanood la geeyay laba nin oo dhaawac ah.
Sida ay wararku nagu soo gaadhayaan ciidamao ka tirsan Ciidamada Somaliland oo laga kala diray magalooyinka Laascaanood iyo xudun ayaa loo diray goobahaasi uu dagaalku ku dhexmaray saaka labada beelood,ilaa iyo hadana war buuxa lagama hayo sida ay caawa tahay xaalada halka uu dagaalku ka dhacay,dhinaca isgaadhsiinta oo aan fiicnay awgeed.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah