Madaxwayne-Silanyo-Oo-Sagaal-Xubnood-U-Magacabay-Xalinta-Khilaafka-KulmiyeMuuse-Biixi-Iyo-Maxamed-Kaahin-Oo-Iska-WaayeyIyo-Madaxwayne-Silanyo-Oo-U-Muuqda-In-Uu-Majaraha-U-Qabtay-Talladii-Kulmiye.html#sthash

Hargeysa(ATN) Jan.16, 2014-Madaxweyne Axmed Maxamed Maxamuud Siilaanyo ayaa magacaabay guddi sagaal xubnood ah oo uu u saaray xalinta khilaafaadka hadheeyey shirweynaha Xisbiga Kulmiye, isla markaana waxa uu si rasmi ah ugu dhawaaqay in Shirweynaha Xisbiga la qabto 22/3/2014-ka,waana liiska lagaalkan xubnood iska waayey kooxdii garabka Muuse Biixi ee uu dhawaan muranku ku dhexmaray xisbiga dhexdiisa madaxwayne ku xigeenka,ee Muuse Biixi iyo maxamed Kaahin.

Liiska xubnaha sagaalka ah ee Madaxweyne Axmed Siilaanyo magacaabay waxa ay kala yihiin:-

1.       Wasiir Maxamed Biixi Yoonis

2.       Wasiir Axmed X Cali Cadami

3.       Wasiir Samsam Cabdi Aadan

4.       Wasiir Sh Khaliil C/laahi

5.       Wasiir Maxamud Xaashi

6.       Xildhibaan Maxamud Axmed Obsiiye

7.       Xildhibaan Cali Xasan Maxamed (Cali Mareexaan)

8.       Xildhibaan Abiibakar Good

9.       Jamaal Caydiid

Magacaabista xubnaha iyo ku dhawaaqista wakhtiga labadaba waxa go’aamiyey Madaxweyne Axmed Siilaanyo wax talo ahna lagama galin hogaanka Xisbiga Kulmiye ee qaban kari waayey shirweynaha, marka laga reebo guddida qaban qaabada oo uu Madaxweyne Siilaanyo  kala tashaday arrimahan.

Madaxweyne Axmed Siilaanyo ayaa la sheegay kulan uu la yeeshay guddidan in uu faray in ay go’aamiyaan wax kasta oo xal u noqonaya qabsoomida shirweynaha isagoo u jeexay Nidaam uu u dajiyey, waxaanu amray in talaabo kasta oo ay qaadayaan ka ansixiyaan guddida fulinta ee Xisbiga Kulmiye, kuwaas oo leh awooda kama danabaysta ah ee go’aamada Xisbiga.

Si kasta ha ahaatee, xaalada Xisbiga Kulmiye ayaa u muuqata mid uu majaraha mar labaad u qabtay madaxweyne Axmed Siilaanyo oo toddobaadkan shaaca ka qaaday in uu u taagan yahay doorkiisa labaad ee Musharaxnimo, taasoo meesha ka saaraysa musharaxnimadii Muuse Biixi doonayey.