Maayarka Borama Oo Sheegay In La Soo Afjaray Khilaafkii U Dhexeeyay Ku Xigeenkiisa

(ATN) – Maayarka degmada Borama, Saleebaan Xasan Xaddi, ayaa sheegay inuu dhamaaday khilaaf soo kala dhex galay Maayar ku xigeenka Borama, waxaanu sheegay in khilaafkaasi ay keentay shaqadu, taasna ay dhammeeyeen.

Maayarka Borama, oo maanta saxaafadda ugu waramayey Magaalada Hargeysa, ayaa isaga oo ka hadlaya yidhi “Shaqada ayaa keenaysa (Khilaafka), haddii la wada hadlana shaqada ayaa keenaysa, hawshaana waanu ka wada hadalnay (maayar ku xigeenka) wayna dhamaatay”

Maayarka oo la waydiiyay inuu jiro xeer kala xadaynaya shaqada isaga iyo ku xigeenkiisa ayaa yidhi “Xeer wuu jiraa kala xadaynaya (shaqada Maayarka iyo Maayar ku xigeenka), degmada Borama oo kaliyana maaha ee Somaliland oo dhanba ah, xeer Lr.22 wuu sheegayaa doorka Maayarka iyo doorka Maayar ku xigeenka, wax la isku khaldi karaana ma jiro”