Skip to main content

Waxaan Leeyahay Xisbiga KULMIYE Garta Waxaad Haysaan Oo Wixii UDUB Ku Baaba’day Ha Bilaabina”Xaaji Cabdi-Waraabe.

Hargeysa(Bakinews)Jan.09, 2013-Xaaji Cabdikariin Xuseen Yuusuf (Xaaji Cabdi-Waraabe),kana tirsan Xildhibaanada Golaha Guurtida Somaliland ayaa markii ugu horeysay tallo-wayaalnimo fariin ugu direy garabyada Xisbiga KULMIYE ee uu  khilaafku soo kala dhexgalay, isla markaana kula-taliyey inay ka heshiiyaan waxay isku hayaan oo ay dadka war-wanaagsan u soo saaraan.
Xaaji Cabdi-Waraabe waxa uu sidaa ku sheegay mar uu shalay u waramayey Weriye Mustafe-Jannaale, kadib markii uu wax ka weydiiyey khilaafka soo noqnoqday ee ka dhex aloosan Xisbiga talada haya ee KULMIYE, kaas oo keenay inay shacab-weynaha reer Somaliland ee doortay aad u hadal-hayaan.  
Mar la weydiiyey Xildhibaan Xaaji Cabdikariin Xuseen Yuusuf (Cabdi-Waraabe) sida uu u arko  khilaafka soo kala dhexgalay Xisbiga talada haya ee KULMIYE, oo dadka Siyaasiyiinta ahi ku sifeeyeen inuu qaadayo waddadii uu ku burburey Xisbigii UDUB? Waxa uu ku jawaabay oo uu yidhi “Waxaan leeyahay  Xisbiga KULMIYE, waa inaad gartaan waxaad haysaan halka uu joogo, wixii UDUB ku baaba’aday ha bilaabina, wixii dhexdiina ah ka daaya joornaalada, fadhi ku wada hadla, haday tahay Madaxweyne Kuxigeenka Somaliland Cabdiraxmaan Saylici iyo haday tahay guddoomiyayaasha (Xisbiga KULMIYE), si macaan oo qaboow u wada-hadla,waa wax yar waxaad isku haysaane, kadaaya hasaawaha suuqa gallaaya.Waxaan idinkula-talinayaa (KULMIYE) waa inaad dib isugu noqotaan,hana kala duddina oo ha kala cadhoonina, waa Siyaasado nin-ba meel ayey iska tusaysaa, oo ha kala tagina, oo buuq ha gelinina oo idinku wadda-hadla, madax ayaad tihiin oo umadda oo dhan ayaa dhabarkiina saaran”.
Isaga oo hadalkiisa sii watana waxa uu yidhi “Oo Xisbiga (KULMIYE) iyo madaxdiisa ilaa Madaxweyne ilaa mijaha Xisbiga KULMIYE ayaa hogaankii ILAAHAY u dhiibay. Markaa, Kulmiyow  Sidii UDUB ha saydhinina, isku dul-qaata,wada-faqa, hadalka iskula noqnoqda, qaboojiya oo hadalkaasi suuqa ka biiya, oo hadalkii la maqlay hadal-wanaagsan ka daba-geeyo oo shirjaraa’id oo aad u wada dhan tihiin soo saara”
Xisbiga KULMIYE ayaa khilaafkiisu soo noqnoqday waxana ugu danbeeyay baaqyo iska soo horjeedda oo Madaxweyne ku xigeenka Somaliland garab uu hoggaaminayo iyo garab kale oo uu horkacayo Guddoomiyaha Xisbigaasi iska daba keeneen, kaasoo gaadhay in Madaxweyne Siilaanyo dhex-dhexaadin ka gallo mar kale.


Comments

Post a Comment

Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah

Popular posts from this blog

Madaxweyne ku xigeen Saylici oo Madaxtooyada ku Qaabilay Wariyayaal Ree Borama ah

 Madaxwayne Ku Xigeenka JSL Oo Madaxtooyada Ku Qaabilay Wafdi Suxufiyiin Reer Awdal Ah Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici ayaa maanta xafiiskiisa ku qaabilay wafdi ka socday suxufiyiinta gobolka Awdal oo maalmahii u dambeeyay hawlo shaqo u joogay magaalada Hargaysa. Wafdigan suxufiyiinta ah oo uu hogaaminayay Musharaxa Jagada Gudoomiye-nimo ee ururka Suxufiyiinta Somaliland ee Solja Eng. Maxamed Xasan Ismaaiil Sharbi-yare oo ay weheliyaan suxufi Maxamed Nuur Muuse Bilibili & Suxufiyad Fadxiya Yaasiin Buuni ayaa lagu qaabilay hab-maamuus uu maqaamkiisu aad u sareeyay. Kulankan oo ahaa mid albaabadu u xidhan yihiin ayaa markii uu soo dhamaaday waxa warbaahinta uga waramay Suxufi & Musharax Eng. Maxamed Xasan Ismaaciil Sharbi-yare waxana uu hoosta ka xariiqay in uu ahaa kulan midho dhal ah. “Aad ayaan Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici uga mahadcelinaynaa sida kara
Post a Comment
Read more

Qof ku sugan Magaalada Saylac ayaa duubay Muuqaal Muujinaya diyaarado Gaaf wareegaya Hawada Saylac

  Waxa markii u horaysay magaalada Saylac lagu arkayaa diyaarado nuuca qumaatiga u kaca oo xeebta Saylac dhanka Barri kaga beegan ka soo degay. Diyaaradahan oon la garanayn ayay dadka degaanku shegeen inay ciidamo kasoo dageen iyo gadiidka badda nuuca la naqaseeyo. Cabaar markay ka dageen ee ay naqasaysteen gadiidkii bada ay ku gali lahayeen ayay u kaceen dhanka gudaha badda. Wali lama hayo war intaasi ka faahfaahsan. Mana jirto wali cid maamulka dawlada matasha oo xog intaas ka dheeriya oo ciidankan ku saabsan bixisay. Waxaan se ognahay oo xaqiiqa markaan aqliga ka shaqaysiino in ciidankani aanay ahayn kuwa maraykanka, reer yurub, iyo China ee saldhigyada ku leh dalka jabuuti oo aaney jirin wax ay ugu baahan karaan inay dhulka bariga ee xeebaha Saylac ka soo dagaan diyaaradohoogu isla markaana ku rakibtaan gadiidka yar yar ee badda, Sidoo kale waxaan isla garan karnaa inaaney ahayn ciidamada ilaalada bedhcad badeeda ee badda cas ka haw-gala oo iyagna saldhig ciidan ku leh dalka aynu j
Post a Comment
Read more

Rumayso ama diid, Farogalinta maantu waxa ay gaar ku tahay deegaanada (Gadabuursi iyo Habarjeclo

  La Dareena Shiinaha! Dhulka qabiilka ayaa iska le, khayraadka ku jirana waa la gu la leeyahay. Ingriisku waxa uu Soomaalilaan u soo dagay xoolaha nool oo kaalin mug leh u gu jiray ciidamadiisa degan Cadan, Talyaaniguna koonfur waxa uu u dagay beeraha oo muhiim u ahaa warshadihiisa. Maanta, waa dagaal dhaqaale, Shiinuhu waxa uu dirayaa fariin ku socota beelaha oo ah (Dhulbahantoow xadkiinu waa ilaa Beer oo Ingriis ayaa idinka qaaday), laakiin, Isagu waxa uu u socdaa ceelasha Shidaalka ee Deegaankaa ku yaal in uu ka horjoogsado Taiwan, waxa kale oo uu odhanayaa (Gadabuursow Jabuuti iyo Saylac idinka ayaa lahaa, oo Ingriis iyo Faransiis ayaa idinka qaaday), laakiin, Isagu waxa uu u socdaa xeebta gobolka oo qiimo u gu fadhida mashruuciisa Kaabayaasha (BRI) in uu ka horjoogsado Ingiriis iyo Imaaraat. Dagaalka beelaha la galinayo, waa dagaal la gu la jiro reer galbeed (Anti Neocolonial Movement), ee ma aha Jacayl iyo wax la guu gu qabanayo. Beeluhu haday garanwaayaan danaha qarsoon ee la g
Post a Comment
Read more