Qabashada araajida musharixiinta u taagan xilka madaxtinimad maamulka Puntland oo si habsami leh uga socota magaalada Garowe ee xarunta gobolkaa Nugaal.
Iyadoo maalmihii la soo dhaafay ay magaalada Garowe ay ka socdeen dhaqdhaqaaqyo siyaasadeed oo xoog leh deegaannada Puntland islamarkaana la soo dhisay Baarlamanka cusub
ee Puntland ayaa haddana waxaa Garowe si habsami leh uga socda qabashada araajida musharaxiinta u taagan Madaxtinimada maamulka Puntland oo ku eg gelinka dambe ee maanta.
Guddiga doorashada ee maamulkaasi ayaa hore u iclaamiyay in qabashada araajidu ay ku egtahay gelinka dambe ee maanta, islamarkaana maalinta berito ah la dhageysan doono khudbadaha musharaxiinta halka maalinta Arbacada ah oo taariikhdu ku beegantahay 8-da bishan ay dhici doonto doorashada madaxtinimada Puntland.
Goob joogayaal ka socda Qaramada Midoobay iyo beesha caalamka ayaa lagu soo waramayaa iney ku sii suganyihiin halkaasi, kuwaas oo dusha ka eegaya sida loo agaasimayo doorashooyinka madaxtinimada maamulka Puntland.
Dhanka kale magaalada Garowe oo ah xarunta maamulka Puntland ayaa la ciirciireysa dad aad u farabadan, iyadoo musharaxiintu ay wadaan galaan gal siyaasadeed oo aad u xooggan, waxeyna dadku dhowrayaan bal cidda ku soo bixi doonta doorashada madaxtinimada ee maamulkaasi
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah