Skip to main content

Booliska Somaliland Oo Markii Ugu Horreysay Yeelanaya Sharciyad Meel-Mar Ah

(Bakinews) Ciidammada Booliska Somaliland, ayaa markii ugu horreysay yeelanaya Xeer Sharci ah oo ay ku hawlgeli doonaan, isla markaana ay Golayaasha Sharci-dejinta qaarna ansixiyeen, kuwo kalena la filayo inay dhaqso u ansixiyaan, Madaxweynuhuna qalinka ku duugi doono dhaqan-galkiisa.



Xeerkan oo muddo ku dhex-wareegayey Golayaasha Wakiillada, Guurtida iyo Madaxtooyada, ka dib markii ay Golaha Wakiilladu ansixyeen, balse ay Golaha Guurtidu dib ugu celiyeen Wakiillada markii ay wax ka beddel iyo kaabis ku sameeyeen. Waxaanay Mudanayaasha Golaha Wakiilladu shalay ansixiyeen wax-ka-beddelka iyo kaabista Xeerkaa lagu sameeyey.





Fadhigii Golaha Wakiilada Somaliland ee shalay, ayaa Mudanayaashu ku ansixiyeen wax-ka-beddalka iyo kaabista Xeerka Booliska Somaliland, kaasoo ka soo noqday Golaha Guurtida oo wax ka beddal ku soo sameeyay.




Fadhigii shalay oo uu Guddoominayey Guddoomiyaha Golaha Wakiillada Md. Cabdiraxmaan Maxamed Cabdillaahi (Cirro), ayaa lagu ansixiyey Xeerka Booliska oo ka kooban 50 qodob, waxaana Mudanayaashu ansixiyeen, ka dib markii ay qodob qodob uga doodeen, isla markaana iskula eegeen.




Xeerka waxaa codka gacan-taagga ah u qaaday 45 Xildhibaan oo fadhigaa ka soo xaadiray, may jirin cid diidday iyo cid ka aammustay toona, Guddoomiyuhuna muu codayn, sidaas ayaanu ku ansaxay Xeerkaasi sida uu sheegay Guddoomiyaha Golahaas Md. Cabdiraxmaan-Cirro.




Xeerkan ayaa haddii uu ka gudbo Mudanayaasha Golaha Guurtida oo marka hore dib ugu soo celiyey Golaha Wakiillada, waxa uu u gudbayaa Madaxweynaha Somaliland Axmed Maxamed Maxamuud (Siilaanyo) oo sharciyan awood u leh dhaqangelinta Xeerarka ay ansixiyaan ama meel-mariyaan Golayaasha Sharci-dejinta ee Baarlamaanku. Waxaanu haddii Madaxweynuhu aqbalo oo uu qalinka ku duugo dhaqan-galka Xeerkaasi uu noqonayaa Xeerkii ugu horreeyey ee meel-mar ah ee ay Ciidammada Booliska Somaliland yeeshaan 22-ka sano ee ay Somaliland jirtay.


Comments

Post a Comment

Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah

Popular posts from this blog

Madaxweyne ku xigeen Saylici oo Madaxtooyada ku Qaabilay Wariyayaal Ree Borama ah

 Madaxwayne Ku Xigeenka JSL Oo Madaxtooyada Ku Qaabilay Wafdi Suxufiyiin Reer Awdal Ah Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici ayaa maanta xafiiskiisa ku qaabilay wafdi ka socday suxufiyiinta gobolka Awdal oo maalmahii u dambeeyay hawlo shaqo u joogay magaalada Hargaysa. Wafdigan suxufiyiinta ah oo uu hogaaminayay Musharaxa Jagada Gudoomiye-nimo ee ururka Suxufiyiinta Somaliland ee Solja Eng. Maxamed Xasan Ismaaiil Sharbi-yare oo ay weheliyaan suxufi Maxamed Nuur Muuse Bilibili & Suxufiyad Fadxiya Yaasiin Buuni ayaa lagu qaabilay hab-maamuus uu maqaamkiisu aad u sareeyay. Kulankan oo ahaa mid albaabadu u xidhan yihiin ayaa markii uu soo dhamaaday waxa warbaahinta uga waramay Suxufi & Musharax Eng. Maxamed Xasan Ismaaciil Sharbi-yare waxana uu hoosta ka xariiqay in uu ahaa kulan midho dhal ah. “Aad ayaan Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici uga mahadcelinaynaa sida kara
Post a Comment
Read more

Labo ka mid ah isbitaalada ugu waawayn marinka Gaza oo shaqo joojin sameeyay

 Laba ka mid ah isbitaaladii ugu waawaynaa Marinka GAZA ayaa joojiyay hawlihii caafimaad ee ay u qabanayeen bukaanada ku soo dhaawacmay duqeymaha halkaasi ka socda  Labadii isbitaal ee ugu weynaa Gaza ayaa joojiyay inay qaabilaan bukaanno cusub sababo la xiriira duqeymaha ka dhanka ah Israel iyo daawo yaraanta ay weheliso Gabaabsiga shidaalka, iyadoo la sheegayo inay Korortay dhimashada bukaanada iyo shaqaalaha caafimaadka. Al-Shifa iyo Al-Quds, oo ah isbitaallada ugu waaweyn Gaza, ayaa sheegay inay gabi ahaanba Hakiyeen hawlihii shaqo ee Gargaarka iyo daawaynta bukaanada  Dhinaca kale warar soo baxaya ayaa tilmaamay in qaar kamida shaqaalihii caafimaadka isbitaaladaasi la dilay  inkastoo hayada caafimaadka aduunka ay ka digayso kororka dhimashada bukaanada kuna baaqday in si deg deg ah loo sameeyo Xabad Joojin .
Post a Comment
Read more

Gadabuursigu ma Soomaali baa, Mise Oromo? Qore Rabiile Xaaji Abiib

  Gadabuursigu ma Soomaali baa, Mise Oromo? Magaca Gadabuursi, waxa inta badan la yidhaa waa naanaysta "Ilma Siciid", sida aan ka akhriyay Buugga taariikhda Gadabuursiga ee uu qoray Cabdiraxmaan Qaadi (AHUN). Qoomiyada Oromadu waxa ay leeyihiin fasiraad dheer oo qodobkan la xidhiidha. magaca Gadabuursi waxa ay si toos ah u la xidhiidhiyaan nidaamka maamul ee dhaqanka Oromada (Gada System). Waa nidaam dimuqraadi ah oo ay dadku soo doortaan Gandaha Dhaqan oo ah xeerbeegtida bulshada oo uu madax ka yahay (Abaa-gadhe), golaha Difaaca oo ah hogaanka ciiidanka oo u madax ka yahay (Abaan-Duulle) iyo Golaha Sahanka iyo Xidigiska oo madax ka yahay (Abàan waare). Nidaamkan GADA ayay ku tilmaamaan in uu ahaa nidaam gadabuursiga la gu majeeran jiray, magaca Gadabuursi na uu kala jabo laba qaybood oo kala ah Gada oo ah "Nidaam" iyo "Biirsi" oo ah hadhaadigii. Macnuhu waa hadhaagii Nidaamka. Siday ku timid? Inkasta oo aanay dhacdadani si cad u gu dhignayn Buugga furash
Post a Comment
Read more