Qabow Darran Oo Maalmihii U Danbeeyay Ka Dhacaya Magaalada Boorama Iyo Suuqyada Lagu Iibiyo Dharka Mar La Soo Isticmaalay Ee Loo Yaqaano “Huuga” Oo Xaamiya +SAWIRRO

Boorama-(BAKINES) Waxaa maalmihii u danbeeyay magaalada Boorama ka dhacayay qabow aad u daran taas oo  hadaba waxay maanta  kamarada BAKINEWS ay booqtay suuqa lagu iibiyo dharka laga xidho dhaxanta ee loo yaqaano koodhasha ama Jacketka.

Suuqan oo ka mid ah suuqyada maalmaha khamiista oo qudha camiran ayaa waxaa lagu iibiyaa ama uu gaar u yahay dharka loo yaqaano huudhaydhka ee mar la soo isticmaalay waxaana ay dharka cusub kaga duwan yihiin qiimaha la siinayo oo ah kuwo raqiis ah oo ay dadka danyarta iyo dadka caadiga ahiba ay iibsan karaan waxaana mararka qaarkood laga helaa dhar runtii tayadoodu ay aad usarayso waxaana Soomaalidu ku maahmaahdaa nimaan huudhaydh haysan ayay dhaxani haysaa.

Hadaba suuqan ayaa maalmihii hore ka duwanaa iibikiisu waxaana ay dadwaynuhu si wayn uu u iibsanayeen jaakeetyadan dhaxanta laga xidhanayo kuwaas oo ay sheegeen in ay maalmihii u danbeeyay ay dhaxan xoogihi jirttay sidaas aawadeedna aysan u sii adkaysan karin in ay bilaa koodhadh dhaxantaas sii xamilaan.

Si kastaba ha ahaatee waxaa sarakac xoogani ku yimid qiimaha la kala siisto jaakeetyada dhaxanta iyada oo ay horey wax ka yar ahayeen Shan Dollar ayaa haatan waxaa la kala siisanaya 8 Dollar iyo wax ka badan taasina waxa ay ku timid baahida degdega ah ee loo qabo.”