Wafdi U Hogaaminayo Wasiirka Kheyraadka soomaaliya Oo Nabadeeyn U Jooga Beledweyne Oo Soo Saaray Go’aanno

Wafdi uu hoggaaminayay Wasiirka  Kheyraadka Dalka, oo gobolka Hiiran u joogay xalinta colaad dhexmartay Beelo Walaalo ah oo gobolkaasi wada dega ayaa waxa ay soo saareen qo’aano aas aas u ah xalinta dhibaatada Deegaannadaasi ka taagan

.

Kadib kulamo iyo wada tashiyo qaatay muddo Shan maalmood ah oo wafdiga uu hogaaminayo wasiirka Kheyraadka dalka ay u joogeen gobolka Hiiraan ayaa ugu dambeynti waxa ay soo saareen go’aanno dowladeed oo aas aas u ah dhameystirka colaadaasi.

Wasiirka Kheraadka C/risaaq Cumar Maxad ayaa sheegay iney soo saareen go’aanno dowladeed,  waxaana daba socda ayuu yiri howlaha nabadeynta.

“Go’aannada waxaa ka mid ah In xabbadda la joojo, Maleeshiyaadka laga saaro deegaanka Kabxanley iyo Deefoow, in ciddii lagu helo hub loo aqoonsandoono fidna wade, in dib u dejin loo sameeyo dadkii ku barakacay colaadaasi iyo in dowladu qaadato qasaaraha ka dashay dagaalada sida guryihii la gubay’’. Ayuu yiri wasiirka Kheyraadka.

Wafdiga uu hogaminayo wasiirka kheyraadka ee waan waanta nabadeed u jooga gobolka Hiiraan ayaa waxaa ka mid ah xildhibaanno, iyo mas’uliyiin kale oo ka tirsan dowlada, waxeyna dadaal balaaran ugu jiraan sidii loo dhameyn lahaa colaad beeleedyo ka dhacay deegaano ka mid ah G/Hiiraan.