Dowlada Soomaaliya oo Shaaca ka qaaday tirada Soomaalida ee ku dhimatay Dagaalada kasocda Dalka South Sudan

Sii hayaha Wasaarada Arimaha Dibada Soomaaliya Fowsiyo Yuusuf Xaaji Aadan oo Maanta dib ugu soo laabatay Magaalada Muqdisho ayaa ka hadashay socdaal ay ku tagtay Dalka Dunida ku cusub ee Koonfurta Sudan oo maalmahan dagaalo kasocdeen.


Fowsiyo ayaa sheegtay in Dagaalada Koonfurta Sudan ka socda ay kudhinteen ilaa labo qof oo Soomaali ah mid kalana uu dhaawac soo gaaray, waxa kale oo ay Wasiiradu sheegtay Soomaali gaareysa ilaa 120- in iyana magan galyo ahaan ugu jiraan Xeryaha Un-ka.

Wasiirada ayaa sheegtay in Soomaalida kunool Koonfurta Sudan ay gaarayaan ilaa 10-kun oo qof oo u badan dad dhaqaale heesta oo ganacsiyo kala duwan ku leh dalkaasi qaarkoodna diyaar u yihiin in diyaarado kireestaan si ay uga baxsadaan colaada soo cusboonaatay.

Fowsiyo Yuusuf ayaa sidoo kale tilmaantay in ay la hadashay Wasiirada Wadamada Xuduudaha la leh Dalka South Sudan kana codsaday in Xuduudaha loo furo Soomaalida dalkaasi ka baxsaday ayna ka aqbaleen.

Hadalka kasoo baxay siihaya Wasiirada Arimaha Dibada Soomaaliya ayaa imaanaya xili Muwaadiniinta Soomaaliyeed ee kunool Koonfurta Sudan ay xaalad halis ah wajahayaan halka Muwaadiniinta kale ee kunool Dalkaasi ay Dowladahooda ka daad gureeyeen Dalkaasi.