War Deg Deg Ah Dagaal Culus oo goordhaw ka qarxay Afgooye iyo Faah Faahin laga helayo cida uu u dhaxeeyo

Wararka ka imaanaya Degmada Afgooye ee Gobolka Shabeelaha Hoose ayaa sheegaya in goordhaw halkaasi uu ka qarxay Dagaal aad u Culus oo la isku adeegsanayo hubka nuucyadiisa kala duwan.


Dagaalka ayaa hada socda ku dhawaad Saacad waxa uuna ka socdaa halka loo yaqaan Mukayga oo katirsan Degmada Afgooye waxa uuna u dhaxeeyaa Ciidamo kawada tirsan Dowlada Federaalka Soomaaliya.

Dagaalka ayaa qarxay kadib markii Ciidamo katirsan Dowlada ay weerar kusoo qaadeen halka loo yaqaan Mukayga oo ah bar Koontarool ay kusugnaayeen Ciidamo kale oo katirsan Dowlada Soomaaliya.

Daryanka Rasaas Culus ay isweedaarsanayaan labada Ciidan ee Dagaalamaya ayaa wali si weyn looga maqlayaa Degmada Afgooye , Xaalada ayaana ah mid kacsan oo dadka cabsi badan ay lasoo daristay.

Wali si rasmi ah looma hayo Qasaaraha ka dhashay Dagaalka Cules ee u dhaxeeya Ciidamo kawada tirsan Dowlada Soomaaliya ee xiligan kasoconaya Degmada Afgooye.