Xawaaladihii ka shaqeenayay Degmada Afgooye oo Maanta la xiray iyo Faah Faahino kasoo baxaya cida xirtay

Wararka ka imaanaya Degmada Afgooye ee Gobolka Shabeelaha Hoose ayaa sheega in la xiray xarumihii Xawaaladaha ee ka howl shaqeenayay degmadaasi kadib markii ay sidaasi amreen masuuliyiin katirsan Maamulka Degmadaasi.


Gudoomiye u xigeenka Dhinaca Amaanka Degmada Afgooye Mahdi Axmed Xasan ayaa sheegay in Masuuliyiin katirsan maamulka Degmada Maanta si qasab ah ku xireen Xarumaha Xawaaladaha iyo goobo kale oo gancsi oo kuyaala Degmadaasi.

Sargaalkan ayaana sheegay in amarka lagu xiray xarumaha Xawaaladaha uusan aheyn mid dowli iyo mid maamulka Degmada ka war hayeen waxa uuna tilmaamay in kaliya uu amarakaasi kasoo baxay Masuul dhinaca maaliyada u qaabilsan maamulka Degmada oo watay Ciidamo beeshiis ah.

Mahdi Axmed Xasan ayaa sheegay in hada ay wadaan baaritaano ku aadan sababta maanta loo xanibay Xawaaladihii ka shaqeenayay Degmada Afgooye iyo Goobo kale oo ganacsi waxa uuna ka raali galiyay ganacsatada iyo shacabka dhibkii maanta loo geestay.

Ma jiro wax hadal ah oo kasoo baxay Masuuliyiinta iyana katirsan Maamulka Degmada Afgooye ee maanta bixiyay amarka lagu xiray Xarumaha Xawaaladaha ee Degmada Afgooye, waxa ayna tani muujineysaa in uu khilaaf ka dhax jiro Maamulka Degmaasi oon iyagu iskaba war heyn.