Wakiilada Oo Ansixiyey Qorshe-Hawleedka Golaha Ee Sannadada Soo Socda

(Hargeysa:Bakinews) Mudanayaasha Golaha Wakiilada Somaliland ayaa fadhigoodii maanta ansixiyey qorshe-hawleedka golaha ee Sannada soo Socota. Fadhiga maanta ee Golaha wakiilada Somaliland oo uu shir gudoominayey gudoomiyaha golahaasi Cabdiraxmaan Maxamed Cabdilaahi Cirro ayaa mudanayaashii ka soo qayb galay waxa loogu qaybiyey hadal qoraalka doodii ay mudanayaasha golaha wakiiladu ka yeesheen qorshe hawleedkooda ay ku shaqayn doonaan 2013-2015.

Fadhiga maanta ee golaha wakiilada Somaliland oo ay ka soo xaadireen xildhibaano tiradoodu tahay 45 mudane ayaa waxa ogolaaday in la ansixiyo qorshe hawleedka golaha wakiilada 41 mudane, halka ay ka diideen 2 mudane , hal mudane uu ka aamusayguddoomiyuhuna aanu codayn. Xildhibaanada golaha wakiilada Somaliland ayaana sidaas ku ansixiyey qorshe hawleedkooda ay ku shaqayn doonaan 2013-2015.