Skip to main content

Wasaaradda Duulista iyo Shirkadda NASHA oo ku fashilmay adeega Madaarka iyo Diyaarada African Express oo banaanka soo dhigtay

Hargeysa(Nuux kadiye) wasaaradda Duulista Hawada iyo shirkadda maamusha adeegyada Madaarka Hargeysa ayaa maanta ku fashilmay diyaaradda Afrikan Express in ay u kiciyaan Injiinka kadib markii diyaaradaasi oo saaka soo fadhiisatay ay Duuli kari weyday baytariyadii oo ka seexday darteed.

Wasaaradda Duulista iyo Shirkadda NASHA oo si wadajir ah u maamula siinta diyaaradaha adeegyada noocan oo kale ah isla markaana diyaarad kasta ka qaada marka ay soo caga dhigato $1000(kun Dollar) ayaa maanta tahli kari waayey in ay diyaaraddaasi siiyaan dab ku filan oo ay ku kiciso baytariyadeeda.
Shirkadda African Express oo ah shirkadda ugu casrisan shirkaddaha Duulimaadyadoodu yimaadaan madaarada Somaliland ayaa kici kari weyday iyadoo Rakaabkii ay siday qaarkood Muqdisho iyo Boosaaso u kala saartay diyaarado yar yar halka kuwii Nairobi tagi lahaana la dajiyey hotelada Hargeysa.
Fadeexadan ayaa banaanka soo dhigtay tamar darida qalabka ay Wasaaradda Duulista iyo Shirkadda NASHA shirkaddaha diyaaradaha kaga urursadaan lacagta, iyadoo aanay Xukuumaddu waxba hore uga qaban cabashooyin caynkan oo kale ah oo ay shirkaddo qalab kala soo dagayey diyaaradu cabasho uga muujiyeen awood la’aanta Wiishashka Rarka ee NASHA.
Ilo wareedyo u dhuun daloola Fadeexadan ayaa sheegaya in qalab lagu kiciyo diyaaradan laga doonay Kenya, taasoo ku tusaysa in mudadii sadexda sano iyo saa’idka ahayd ee Madaxweyne Siilaanyo xilka hayey waxa qiimayn ah lagu samayn madaarka, halka dhabada diyaaradaha lagu dhisay kaalmo aya Dawladda Kuwait ku caawisay xiligii Rayaale, isla markaana qalabka NASHA uu yahay kii ay keeneen wakhtigii C/laahi Maxamed Ducaale.
Diyaaradaha waaweyn ayaa la sheegay in aanay Madaarada Dalka u hoyan, waxaana taas sabab looga dhigay fadeexadan maanta soo baxday oo kale oo ay hore u qarsanayeen kadib markii ay shirkadda NASHA iyo wasaaradda Duulista ka waayeen in ay qalabka lagu kiciyo mishiinada ka waayeen madaarada, taasoo geysay in ay u hotdaan Madaaradda kale ee dalalka Jaarka ah.
Diyaaradda African Express ayaa saaka ka soo duushay Dubai, waxaanay rakaab kala duwan u siday Somaliya iyo Nairobi, iyadoo lugteeda labaadna Rakaab ka soo qaadi lahayd Kenya, Somaliya iyo Somaliland, kuwaas oo ku hoyan lahaa Dubai.

Comments

Post a Comment

Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah

Popular posts from this blog

Madaxweyne ku xigeen Saylici oo Madaxtooyada ku Qaabilay Wariyayaal Ree Borama ah

 Madaxwayne Ku Xigeenka JSL Oo Madaxtooyada Ku Qaabilay Wafdi Suxufiyiin Reer Awdal Ah Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici ayaa maanta xafiiskiisa ku qaabilay wafdi ka socday suxufiyiinta gobolka Awdal oo maalmahii u dambeeyay hawlo shaqo u joogay magaalada Hargaysa. Wafdigan suxufiyiinta ah oo uu hogaaminayay Musharaxa Jagada Gudoomiye-nimo ee ururka Suxufiyiinta Somaliland ee Solja Eng. Maxamed Xasan Ismaaiil Sharbi-yare oo ay weheliyaan suxufi Maxamed Nuur Muuse Bilibili & Suxufiyad Fadxiya Yaasiin Buuni ayaa lagu qaabilay hab-maamuus uu maqaamkiisu aad u sareeyay. Kulankan oo ahaa mid albaabadu u xidhan yihiin ayaa markii uu soo dhamaaday waxa warbaahinta uga waramay Suxufi & Musharax Eng. Maxamed Xasan Ismaaciil Sharbi-yare waxana uu hoosta ka xariiqay in uu ahaa kulan midho dhal ah. “Aad ayaan Madaxwayne ku xigeenka Jamhuuriyada Somaliland Eng. Cabdiraxmaan Cabdilaahi Ismaaciil Saylici uga mahadcelinaynaa sida ...
Post a Comment
Read more

Gadabuursigu ma Soomaali baa, Mise Oromo? Qore Rabiile Xaaji Abiib

  Gadabuursigu ma Soomaali baa, Mise Oromo? Magaca Gadabuursi, waxa inta badan la yidhaa waa naanaysta "Ilma Siciid", sida aan ka akhriyay Buugga taariikhda Gadabuursiga ee uu qoray Cabdiraxmaan Qaadi (AHUN). Qoomiyada Oromadu waxa ay leeyihiin fasiraad dheer oo qodobkan la xidhiidha. magaca Gadabuursi waxa ay si toos ah u la xidhiidhiyaan nidaamka maamul ee dhaqanka Oromada (Gada System). Waa nidaam dimuqraadi ah oo ay dadku soo doortaan Gandaha Dhaqan oo ah xeerbeegtida bulshada oo uu madax ka yahay (Abaa-gadhe), golaha Difaaca oo ah hogaanka ciiidanka oo u madax ka yahay (Abaan-Duulle) iyo Golaha Sahanka iyo Xidigiska oo madax ka yahay (Abàan waare). Nidaamkan GADA ayay ku tilmaamaan in uu ahaa nidaam gadabuursiga la gu majeeran jiray, magaca Gadabuursi na uu kala jabo laba qaybood oo kala ah Gada oo ah "Nidaam" iyo "Biirsi" oo ah hadhaadigii. Macnuhu waa hadhaagii Nidaamka. Siday ku timid? Inkasta oo aanay dhacdadani si cad u gu dhignayn Buugga furash...
Post a Comment
Read more

Siyaasigii ugu saamaynta badnaa waayahan Somaliland ay Jirto oo Wasiir looga Magacaabay Xukuumada Muuse biixi

Siyaasigii ugu saamaynta badnaa waayahan Somaliland ay Jirto oo Wasiir looga Magacaabay Xukuumada Muuse biixi  Abdinasir Muhumed Hassan Buuni Waa siyaasi Qunyar socod ah kaasi oo la soo dabaashay Marxalado siyaasadeed oo kolba dhinac isku rogayay Mar uu Mucaarad ahaa iyo Hada oo uu ka mid yahay Bahda Xukuumada Somaliland Kuwooga aadka isha loogu hayo Marka ay taagan tahay ka hadalka dhanka Warbaahinta  Abdinasir Buuni oo Markii u danbeysay ahaa Afhayeenka Xisbiga Talada haya ee Kulmiye ayaa magacaabistiisu waxa ay sabab u ahayd inuu markiiba caan ka noqdo deegaanada somaliland iyo guud ahaanba marxalada siyaasadeed ee isbadbadalka badnayd  Difaacida Xukuumada Somaliland ayuu hadh iyo habeenba u taagnaa waxayna arintaasi meesha ka saartay in Gabi ahaanba dhaliisha xisbiyada Mucaaradka Somaliland iyagoona Ninkaasi ku tilmaameen inuu ku yahay Laf dhuun gashay oo meel loo dhaafi karaaba jirin Xaalku waxa uu Gaadhay Buuni iyo Mucaaradka inay iskugu soo hadhaan Fagaaraha ka had...
Post a Comment
Read more