Hargeysa (Nuux kadiye)- Wasiirka Arrimaha Gudaha Somaliland Md. Cali Maxamed Waran-cadde oo socdaal shaqo ku jooga dalka Ingiriiska ayaa sheegay inuu rajaynayo inay wada hadal lagu soo afjaro shirka xisbiyadda mucaaridka ahi ku baaqeen ee ay ugu magac dareen “shirka dooda qaran”.
“Amniga dalku waa mid xasiloon, waxaa kaliya ee la wada ilaalinayaa waa nabadgelyadda ILAAHAY baa mahad leh, waxaanu wasaarad ahaan si weyn ugu fogan nahay ilaalinta nabadda waxaanan muddadii aanu joognay ku soo kordhinay wax badan oo aanu wax ka qqabanayno oo ay baabuurta 99-ka ee degdega ah ee Booliska ayaa ka mid ah. Qeybtii labaad ee baabuurta gurmadka deg-dega ah ee loogu tallo galay goboladda dalkuna waxay yimaadeen imika dekadda Berbera,”ayuu yidhi Wasiirka Daakhiliga oo u waramayay Telefishanka SLNTV.
Wasiirka oo ka hadlayay shirka dooda qaran ee axsaabta mucaaridku gogoshiisa dhigeen, waxa uu ku dooday inuu rajaynayo inay arrinta shirkaas ay wada hadal ku dhamaysan doonaan xukuumadda iyo xisbiyadda mucaaridka ahi, waxaanu yidhi “Arrintaasi waxaan u arragnaa in Axsaabtu garanayaan inta sharciga ku leeyihiin. Axsaabtana way nala shiraan kolba marka uu arrin soo kordho, waana axsaab qaran tallo way soo jeedin karaan, haddii ay cabasho qabaan hoos waa loo eegi karaa. markaa waxaan filayaa inay dhawaan xukuumaddu iyo axsaabtu dhamaysan doonaan, oo wada hadli doonaan, arrintaasi wanaag ku dhammaan doonto
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah