Muqdisho:Maxkamada Ciidamada Oo Xukuno Ku Riday Rag Lagu Eedeeyey In Ay Ka Tirsan Yihiin Al-Shabaab

(Bakinews)  Maxkamada ciidamada qalabka sida ee gobolka Hiiraan ayaa maanta u fadhiisatay dacwad ka dhan ah shan ruux oo ku eedeysnaa in ay ka tirsanaayeen xarrakada Al-shabaab.

“Shanta ruux ee loo fadhiisatay dhageysiga dacwadooda, labo ka mid ah waxaa lagu hellay danbigii lagu soo eedeeyay, mid waxaa lagu xukumay shan sano oo xadhig ah halka mid kalana lagu xukumay hal sano oo xadhig ah, waxaana amarnay la sii daayo sadexda kale, laakiin waxaa lagu xukumay in todobaadkiiba labo jeer iska xaadiriyaan xafiiska nabad-sugida gobolka,’’ ayuu yidhi  guddoomiyaha maxkamada ciidamada qalabka sida ee gobolka Hiiraan Xuseen Cabdi Axmed Rooble.

Dhinaca kale maxkamadda ayaa amar ay soo saartay waxay gabi ahaan ku mamnuucday in gudaha magaalada lagu dhax-qaato hubka, waxaana ay sheegtay in cid kasta oo lagu arko iyada oo si sharci darro ah magaalada hub ugu dhax sidata talaabo laga qaadi doono