Hargeysa(Nuux kadiye) kal-fadhigii Golaha Wakiiladda oo maanta furmay ayaa lagu Ansixiyey 
guddidii joogtada ahaa ee khilaafka ba’ani ka taagnaa taasoo ay cod gacan tag ah ku meel mariyeen 47 mudane, shan xildhibaan baa diiday, sadexna way ka aamuseen, guddoomiyuhuna muu coday, sidaasna waxa ku dhaqan gashay guddidii Guddoomiyuhu watay.
guddidii joogtada ahaa ee khilaafka ba’ani ka taagnaa taasoo ay cod gacan tag ah ku meel mariyeen 47 mudane, shan xildhibaan baa diiday, sadexna way ka aamuseen, guddoomiyuhuna muu coday, sidaasna waxa ku dhaqan gashay guddidii Guddoomiyuhu watay.
Fadhiga maanta oo la filayey in xiisadi ka dhalato ayaa si nabdoon ku dhamaaday kadib markii ay ka soo xaadairi waayeen labada guddoomiye ku-xigeen ee shirguddoonka Golahaas oo diidanaa Isku-shaandhayntii Guddoomiye Cirro sameeyey guddiyadda Golahaasi.
Xoghayaha guud ee Golaha Wakiiladda C/risaaq Siciid Ayaanle ayaa ka hor inta aan guddida joogtada ah la Ansixin golaha ka hor akhriyey warbixin sharciyeed oo uu la taliyaha sharci ee Golahaasi ka soo saaray Khilaafka shirguddoonka ka dhex taagnaa eek u saabsanaa sharciyadda guddiyada lagu kala bedelay, waxaanu go’aankiisu u dhacay in ay sharci yihiin nidaamka loo maray.
Dhinaca kale, waxa fadhiga maanta si duuduub ah loogu Ansixiyey Ajandaha kal-fadhigan oo cod la galiyey kadib markii la isku raacay.
Go’aamadan Goluhu saaka sida is-daba jooga ah u Ansixiyey waxa ay Guul u tahay Guddoomiye Cirro iyo Mucaaradka oo si weyn uga biyo diiday ficilo xildhibaano iyo Wasiiro Madaxtooyadda ka soo shiidaal qaadanayey ay ku doonayeen in ay xoog ku qabsadaan aqaar ka mid ah guddiyadda Golahaasi oo uu Cirro ku taxay Xildhibaano isku dhaf ah oo ka soo horjeeda nidaamka xukuumaddu dalka u wado oo ah sida uu Cirro hore ugu dooday inamo yar yar oo qal-qaali ah oo siyaasadda Dalka waalaya.
Xildhibaanada cirro sidaas ku tilmaamay ee uu maanta ka guulaystay siduu hore u sheegay ee dhexda Fart aka qaniinay waxa hogaaminayey Xildhibaan Cali Mareexaan iyo Nac Nac, halka Wasiiro uu ka mid yahay Maxamud Xaashi Cabdina dhinaca Xukuumadda ka soo taageerayeen.
Si kasta ha ahaatee Xildhibaan Cumar San-weyne iyo Xildhibaan Ibraahim Mahdi Buubaa ayaa saaka dur-duro ku helay kuraastii guddida joogtada ahaa ee Cali Mareexaan falka iyo waalida ku doonayey.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah