HARGAYSA:Bakinews Qoraal uu saxaafada soo gaadhsiiyey Sudlaan Aadan X. Faarax Cumar oo ka mida salaadiinta reer Somaliland ayaa madaxweynaha iyo xukumadiisa ku canaantay biyo la’aanta shacabka bariga iyo koonfurta Hargeysa.
qoraalka uu soo saaray Suldaanka oo nuqul ka midi soo gaadhay Bakinews.tk ayaa dhignaa sidan:-
Mahad oo dhan ilaahayayay u sugnaatay. Sidaynu ogsoonahay ama ka warqabno baahiyaha aas-aasigaa ee u madi u baahan tahay waxa kamida in uu qofku helo biyo Nadiif ah oo ku filan. Waa xaq aas-aasiya oo ay tahay in xukuumadu iyo kolba cida talada umada u haysaain ay bulshadeeda ka haqab tirto intii karaankeeda ah.
Sidaas oo ay tahay, waxaan xukuumada uu hogaamiyo madaxweyne Axmed Maxamed Maxamuud (Siilaanyo) ku bogaadinayaa dedaalada horumarineed ee ay wadaan ee dhinac walba ah. Balse waxaad moodaa in kakaalada Biyaha ee Magaalada Hargeisa ayna la
jaan qaadeyn qorshaha xukuumada, waxa kakaalada mugdi ka galay cidii ay u adeegaysay ee xilku kasaarnaa.
Siyaasada ay ku shaqaynaysaana maaha mid qancisay bulshoweynta ku dhaqan Caasimada ee aan biyaha helin.
Wakaaladu may muujin dedaalkii looga baahnaa ee ay tusi lahayd bulsho waynta aan helin biyaha in ay u maqantahay, balse taa badalkeeda waxay tustay dedaalo shaki galiyay bulshoweynta ku dhaqan caasimada ee aan biyaha helin, oo durbaba waxaa soo ifbaxay shakiyo ku waajahan in Biyihii loogu talo galay Bariga iyo Koonfurta Magaaladain ay waraabiyaan in la yidhi waxa lagu xoojinayaa kuwii hore.
Taas Micnaheeduwaxa weeye, cidii biyo heli jirtayna waa loo siyaadinayaa kuwii aan biyo helijirina xaaladoodaa ha ku sugnaadaan. Taasi maaha mid bulshadu aqbali karo.
Hadaba maadaama ay Biyuhu yihiin aas-aaskii umadi ay u baahnayd, Umada ku dhaqan Caasimada ee aan biyaha helin kuma sii jiri karto xaaladan oo kale.
Dawladu waa in ay dedaalo muuqda oo dadkaas sida ugu dhakhsaha badan biyo loogu raadinayo ay soo bandhigtaa. Qolada Booyadaha lehna midbaan leeyahay, Tabashadiina siyaabo badan oo nabadi ku jirto ayaad u soo bandhigi kartaan, Ergo ayaad dirsan kartaan, Idinkaa gudiiska saari kara oo xukuumada la hadli kara amaba hab kale oo nabdoon ayaad mari kartaan, laakiin may ahayn in dadkiina adeegii aad u qaban jirteen aad mar kaliya ka joojisaan.
Rabshada iyo in dadkeenu si fudud u dhintaan diyaar uma nihin, tabashadiina hab xirfadaysan umara, In shaa Allah markaa waa la idiin garaabi.
Ugu danbayntii anagu Salaadiinta hadaanu nahay talo ayaa la noogu yimaadaa ee fulin ma nihin. Waxaanu ugu baaqayaa Xukuumada uu gadhwadeenka ka yahay Axmed Maxamed Maxamuud(Siilaanyo) in ay muujiyaan dedaalkii biyo loogu heli lahaa bulsho waynta ku dhaqan caasimada, sidoo kale waxaan madaxweynaha kula talin lahaa in uu dib u eegis ku sameeyo qaabka ay u shaqayso Wakaalada biyaha ee Magaalada Hargeisa.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah