Waxaa la sii xoojiyay dadaalka caalamiga ah ee lagu doonayo in lagu joojiyo dagaalka Suudaanta Koonfureed, halkaasi oo la aaminsan yahay inay kumanaan qof ku dhinteen tobankii maalmood ee la soo dhaafay.
Golaha Ammaanka ee Qaramada Midoobay ayaa laba jibaaraya tirada ciidanka nabad ilaalinta eek a jooga dalka oo ah midka ugu da’da yar adduunka oo ka dhigaya 12,500 askari.
Dagaalka ayaa ka sii daray kala qeybsanaantii qabaailka Suudaanta Koonfureed.Xoghayaha arrimaha dibedda ee Mareykanka John Kerry ayaa ku booriyay laba dhinac Madaxweyne Salva Kiir iyo hoogaamiyaha mucaaradka Riek Machar inay joojiyaan colaadda oo ay bilaabaan wada hadal siyaasadeed oo lagu dhexdhexaadiyo.
Mr Kiir waxa uu ka tirsan yahay qabiilka Dinka, halka Mr Machar uu matelo qabiilka Nuer.
Dagaalka ayaa bilowday 15 December markaasi oo Mr Kiir uu ku eedeeyay Mr Machar, oo horey u ahaan jiray Madaxweyne ku xigeen ilaa intaan xilka laga qaadin bishii July, inuu afgembi isku dayay.
Mr Machar waa uu beeniyay inuu isku dayay inuu awoodda xoog ku qabsado.
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah