Muqdisho (Baki news)—RW C/weli Sheekh Axmed, RW Cusub ee DFS,ayaa Maanta oo Khamiis ah si rasmi ah ula wareegay Xafiiska kadib Xaflad ka dhacday Villa SomaliaXaflada waxaa kasoo qeybgalay Madaxweynaha Soomaaliya Xasan Sheekh
Maxamuud, Wasiiro ka tirsanaa Xukuumadii hore iyo Xildhibaano Baarlamaanka ka tirsan,waxaana halkaasi Xilka ku kala wareegay RW hore ee DFS Cabdi Faarax Shirdoon iyo kan Cusub C/weli Sheekh Axmed.
Ra’iisul Wasaarihii hore ee Soomaaliya Cabdi Faarax Shirdoon Saacid, ayaa Xafladda ka sheegay inuu la shaqeyn doono Xukuumadda Cusub ee dalka ee lasoo dhisi doono.
Sidoo kale, C/wali Sheekh oo halkaasi ka hadlay, ayaa dhankiisa sheegay inuu shaqada halkeedii kasii wadayo, Horumarada kala duwan ee dowladdii RW hore ee Saacid ay ku tilaabsatayna uu sii wadayo si loo gaaro 2016 Doorashooyin dalka ka dhaca iyo Dhamaystirka Dastuurka Qabyada ah.
Ugu dambeyntii, Xasan Sheekh Maxamuud Madaxweynaha DFS, ayaa isna Goobta ka sheegay in Ra’iisul Wasaaraha cusub ee dalka C/wali ay Shaqooyin badan ay horyaalaan,loona baahanyahay in Shacabka ay la shaqeeyaan
Comments
Post a Comment
Fadlan Fikirkaaga ka dhiibo hadii aad ku xidhan tahay wararka iyo macluumaadka aanu halkan idinkula wadaagno noona reeb wixii talo iyo tusaale ah