Fadeexad: Qaxootiga Talyaaniga taga oo si fool xun loola dhaqmo! [Daawo]

{Nuux kadiye} Dowlada Talyaaniga ayaa sheegtay inay baaritaan bilaabayso kadib markii la shaaciyey Filim laga soo duubay dadka qaxootiga ah markay soo galaan talyaaniga in dhamaantood dharka laga dhigo.

Filimkan oo ay baahiyeen qaar kamid ah warbaahinta dalka Talyaaniga ayaa waxaa duubay nin qaxooti ah oo kasoo jeeda dalka Siiriya.
Filimkan ayaa waxaa ka muuqda qaabka loola dhaqmo dadka qaxootiga ah marka ay gaaraan xeryaha ku yaal jasiirada Lampedusa ee koonfurta Talyaaniga. Dadkan oo rafaad badan kala soo kulma Doonyaha ay Afrika kasoo raacaan ayaa qaarkood eheladooda iyo asxaabtooda ku waaya musiibooyinkii ka dhacay bada Madetareniyanka. Balse marka ay gaaraan xeryaha Talyaaniga ayey la kulmaan nolol kale oo aad u adag

Dadka Qaxootiga ah ayaa lagu amraa inay dharka iska siibaan goob fagaare ah, kadibna waxaa lagu buufiyaa biyo lagu doonayo in jirkooda lagu dhaqo. Ragga iyo Dumarka ayaa todobaadkii dhowr mar sidan loola dhaqmaa. Waxayna qaxootiga sheegeen in sidii xayawaanka loola dhaqmo.
Arrintan oo muujineysa xushmo la’aanta iyo ceebta lasoo darista dadka qaxootiga ah marka ay yimaadaan wadanka Talyaaniga.
Wasaarada Arrimaha Gudaha ee dowlada Talyaaniga ayaa sheegtay inay arrintan baari doonto isla markaana ay kasoo horjeedo in meel looga dhaco xaquuqda iyo sharafta dadka qaxootiga ah

Daawo filimka laga duubay Xeryaha: